ඇස්‌ රතු වීම, කඳුළු හා කබ ගැලීම මෙම රෝගයේ ලක්‍ෂණ වන අතර එම රෝග ලක්‍ෂණ යමෙකු තුළ දක්‌නට ඇත්නම් වහාම කොළඹ නයනාරෝග ශාලාව හෝ ළඟම පිහිටි රජයේ අක්‍ෂි සායනය වෙත ප්‍රතිකාර සඳහා යොමුවන ලෙස මහජනතාවගෙන් ඉල්ලීම් කෙරේ.
මෙම ඇස්‌ රෝගය කෙනෙකුගෙන් තව කෙනෙකු වෙත පහසුවෙන් බෝවන අතර එම රෝග ලක්‍ෂණ සහිත අය ලේන්සුවකින් ඇස්‌ ආවරණය කර ගැනීම, ජනතාව වැඩි වශයෙන් ගැවසෙන ස්‌ථානවල නොරැඳීම, රෝග ලක්‍ෂණ පහව යන තෙක්‌ විවේක ගැනීම යන ක්‍රියාමාර්ග අනුගමනය කළ යුතුය.
එම රෝගයට ගොදුරුවීමෙන් වැළැකීම සඳහා ජනතාව වැඩි පිරිසක්‌ ගැවැසෙන ස්‌ථානවල නොරැඳීම ගමන් බිමන් යැමෙන් පසු දැත් හොඳින් සෝදා පිරිසිදු කිරීම කළ යුතු බව වෛද්‍ය මතය වේ.
තදාසන්න ප්‍රදේශවල අැස් රෝගය මෙන්ම වෛරස් උණ රෝගයක් ද පැතිර යාමේ අවධානමක් පවතින බැවින්, ජනතාව එම රෝගවලින් ආරක්ෂා වන ලෙස සෞඛ්‍ය අංශ ජනතාවගෙන් ඉල්ලා සිටියි.
