වසර 03කට වඩා පැරණි කාර් රථ සහ වසර 05කට වඩා පැරණි වෑන් රථ ගෙන්වීමේදී ආනයන අපනයන පාලනයේ විශේෂ අවසරයක් ගත යුතු බවට නීතියක් පවතී.

නමුත් ආනයන අපනයන පාලනයේ විශේෂ අවසරයක් නොමැතිව පැරණි වාහන මෙරටට ගෙන්වීම සඳහා මුදල් අමාත්‍යාංශයෙන් අවසර ලබාදෙන බවත්, මෙලෙස ලබාදෙන අවසර පත්‍රයක් රුපියල් ලක්ෂ 09 ත්, 10ත් අතර මුදලකට විකුණා දැමීමේ ජාවාරමක් ක්‍රියාත්මක වන බව එම පක්ෂයේ පාර්ලිමේන්තු මන්ත්‍රී සුනිල් හඳුන්නෙත්ති මහතා සඳහන් කළේය.

ඉදිරි ඡන්දයකදී උදව් ගැනීම සඳහා වර්තමාන ආණ්ඩුවේ හිතමිතුරු ව්‍යාපාරිකයන්ට මෙම අවස්ථාව උදාකර තිබීම ඉතාමත් බරපතළ තත්ත්වයක් බවද පවසා සිටියේය.

දැනට ලැබෙන තොරතුරුවලට අනුව එක් ව්‍යාපාරිකයෙකු පමණක් මුදල් අමාත්‍යාංශය හරහා බලපත්‍ර 50ක් ලබාගෙන තිබෙන බවත්, මෙය ජාවාරමක් ලෙස දිගටම ක්‍රියාත්මක බවත් ඔහු සඳහන් කළේය.