අමාත්‍යවරයා මේ බව පැවසුවේ පසුගිය 27 වනදා ව්‍යවසායකත්ව සම්මාන 2015 දියත් කිරීම සදහා කොළඹ රමාඩා හෝටලයේ පැවති උත්සවයකදී.
රටේ ආර්ථිකයට අති මහත් දායකත්වයක් දක්වන ව්‍යවසායකයින් මෙලෙස ඇගයීම ඉතා වැදගත් බවත් මෙවැනි වැදගත් ලෝක දර්ශක වල ඉදිරියට යාමට මෙවැනි ඇගයීම් ඉවහල් වනු ඇති බව අමාත්‍යවරයා මෙහිදී පැවසිය.
එසේම ජාතික ආර්ථිකයට ව්‍යවසායකයින් ඉතා වැදගත් කාර්ය භාරයක් සිදුකරන බවත් රැකියා අවස්ථා ඇතිකරමින් ඵ් හරහා ආර්ථික සංවර්ධනයට අමතරව සමාජ සංවර්ධනයක්ද ඔවුන් විසින් කරන බව අමාත්‍යවරයා මෙහිදී පැවසිය.
ශ්‍රී ලංකා වාණිජ හා කර්මාන්ත මණ්ඩල සම්මේලනය විසින් සංවිධානය කරනු ලබන ව්‍යවසාය සම්මාන උලෙළ මේ වසරේ දෙසැම්බර් 30 දා 20 වන වරට පැවැත්වීමට කටයුතු යොදා ඇත. කුඩා,මධ්‍ය, විශාල හා මහා පරිමාණ ලෙස අංශ 4කින් යුක්තව පැවැත්වෙන මෙම සම්මාන උලෙළේ මෙවර තේමාව “ව්‍යාපාර වීරයෝ” ලෙස හදුන්වා දී ඇත.
