සාමාජිකයන් 13 දෙනකුගෙන් සමන්විත මෙම අනුකමිටුවේ සභාපතිවරයා වශයෙන් පොදු ව්‍යාපාර ගිණුම් පිළිබඳ කාරක සභාවේ සභාපති පත් කළ මන්ත්‍රී ඩිව් ගුණසේකර මහතා පත් කර ඇත. සුසිල් ප්‍රේමජයන්ත, වෛද්‍ය රාජිත සේනාරත්ත , ලසන්ත අලගියවන්න, සුනිල් හඳුන්නෙත්ති, අර්ජුන රණතුංග එම්. හසන් අලි, එරාන් වික්‍රමරත්න, මහාචාර්ය රජිව විජේසිංහ , එස්. සරවනබවන්, රෝසි සේනානායක, සුජීව සේනසිංහ සහ වීරකුමාර දිසානායක මහත්වරු මෙහි අනෙක් සාමාජිකයන් වෙති.
අනුකමිටුවේ විමර්ශන කටයුතු ලබන අඟහරුවාදා ආරම්භ කෙරේ. මහබැංකුවේ අධිපති අර්ජුන මහේන්ද්‍රන් මහතා ධුරයන් ඉවත් කිරීමට පාර්ලිමේන්තු මන්ත්‍රීවරුන්ගේ අත්සනින් යුතුව ඉදිරිපත් කර ඇති යෝජනාව විවාදයට ගැනීමට පෙර මෙම අනුකමිටුවේ වාර්තාව සැලැකිල්ලට ගැනීමේ අරමුණ මත මේ අනුකමිටුව පත් කර තිබේ.
යෝජනාවෙන් යම් යම් කියාපෑම්වලට ලක්ව ඇති පාර්ශ්වවලට ඔවුන් වෙනුවෙන් කරුණු දැක්වීමට අවස්ථාවක් ලබා දිය යුතු බවට කතානායක චමල් රාජපක්ෂ මහතා දැක්වූ අදහස මත මෙම කමිටුව පත් කර ඇත.
dinamina
