ටිරාන් අත්අඩංගුවට ගැනීම නීතිපති අත්හිටුවයි

Published in පුවත්
Saturday, 23 May 2015 06:58

පාර්ලිමේන්තු මන්ත්‍රී ටිරාන් අලස් මහතාට එරෙහිව නැගී ඇති චෝදනා මත ඔහු අත්අඩංගුවට ගැනීම නීතිපතිවරයා පෙරේදා අත්හිට වූයේය. අදාළ මන්ත්‍රීවරයා මූලික අයිතිවාසිකම් පෙත්සමක් ඉදිරිපත් කැර ඇති බවට ශ්‍රේෂ්ඨාධිකරණය පොලිසිය වෙත නිකුත් කැර ඇති නිවේදනයට අනුව නීතිපතිවරයා මෙම පියවර ගෙන ඇත.

ටිරාන් අලස් මහතා ප්‍රධානත්වය දරන ලද රාධා ආයතනයේ සිදුව ඇතැයි පැවසෙන මූල්‍ය අක්‍රමිකතා පිළිබඳව විමර්ශනය කරන පොලිස් විශේෂ පරීක්ෂණ ඒකකය ඒ සම්බන්ධයෙන් ඔහුට එරෙහිව නැඟී ඇති චෝදනා මතින් ඔහු අත්අඩංගුවට ගැනීමට පොලිස්පති එන්. කේ. ඉලංගකෝන් මහතාගේ උපදෙස් පතා ඇත. මෙහිදී පොලිස්පතිවරයා පවසා තිබුණේ ටිරාන් අලස් මන්ත්‍රීවරයා ශ්‍රේෂ්ඨාධිකරණය හමුවේ මූලික අයිතිවාසිකම් පෙත්සමක් ඉදිරිපත් කැර ඇති බැවින් ඔහු අත්අඩංගුවට ගැනීම සම්බන්ධයෙන් නීතිපතිවරයාගෙන් කරුණු විමසා සිටිය යුතු බවයි.

ආණ්ඩුව දේශපාලන විරුද්ධවාදීන් දඩයම් කරන බව පවසමින් ඔහු අත්අඩංගුවට ගත හැකි හෙයින් එය වළකාලීමේ අටියෙන් ටිරාන් අලස් මන්ත්‍රීවරයා මේ මස මුලදී මූලික අයිතිවාසිකම් පෙත්සමක් ඉදිරිපත් කැර තිබිණ.

මේ පෙත්සම ලබන සතියේ විභාගයට ගන්නා බව ප්‍රකාශ කරන ශ්‍රේෂ්ඨාධිකරණය මේ සම්බන්ධයෙන් සියලු වගඋත්තරකරුවන්ට නොතිසි නිකුත් කැර ඇත. මන්ත්‍රීවරයා මූලික අයිතිවාසිකම් පෙත්සමක් ඉදිරිපත් කැර ඇති නමුදු ඔහු අත්අඩංගුවට ගැනීම සම්බන්ධයෙන් නීතිමය බාධාවක් නැති බව නීතිපතිවරයා පොලිස්පතිවරයාට පෙන්වාදී තිබිණ. එහෙත් මේ වන විට එම මූලික අයිතිවාසිකම් පෙත්සම පිළිබඳව ශ්‍රේෂ්ඨාධිකරණයෙන් පොලිස් දෙපාර්තමේන්තුවට නිවේදනයක් නිකුත් කැර ඇති බැවින් නීතිපතිවරයාගේ නියෝජිත නිලධාරීන් අලස් මහතා අත්අඩංගුවට නොගන්නා ලෙස පොලිසියට උපදෙස් දී තිබේ.

 

dinamina

Last modified on Saturday, 23 May 2015 07:02

Leave a comment

ld add copy

Gossip

මහින්ද කුලී නිවෙසක් සොයයි

මහින්ද කුලී නිවෙසක් සොයයි

හිටපු ජනපති මහින්ද රාජපක්ෂගේ විජේරාමයේ පිහිටා තිබූ නිල නිවස පිළිබඳව පසුගිය කාල සීමාවේ බොහෝ දෙනෙක් ගේ...

ප්‍රියමාලි ගැන ගතු කිව්ව අයටත් නඩු වැටෙන හැඩ.  ඩුබායි වලින් සුරංගිවත් ගෙන්වයි ?   

ප්‍රියමාලි ගැන ගතු කිව්ව අයටත් නඩු වැටෙන හැඩ. ඩුබායි වලින් සුරංගිවත් ගෙන්වයි ?  

ව්‍යාපාර සඳහා ආයෝජනය කරන බව පවසමින්, ප්‍රසිද්ධ ව්‍යාපාරිකයන් ඇතුළු ප්‍රසිද්ධ පුද්ගලයන්ගෙන් රුපියල් ම...

අල් ජසීරා සම්මුඛ සාකච්ඡාවේදි රනිල්ට හොඳටම කේන්ති ගිහින්

අල් ජසීරා සම්මුඛ සාකච්ඡාවේදි රනිල්ට හොඳටම කේන්ති ගිහින්

හිටපු ජනාධිපති රනිල් වික්‍රමසිංහ පසුගියදා ලන්ඩන් බලා පිටත් වූවේ අල් ජසීරා (Al Jazeera) මාධ්‍ය ආයතනය...

ලේක්හවුස් අලුත් සභාපති හනුමට ඇඳගෙන ගේමක් ඉල්ලයි   

ලේක්හවුස් අලුත් සභාපති හනුමට ඇඳගෙන ගේමක් ඉල්ලයි  

සීමාසහිත එක්සත් ප්‍රවත්ති පත්‍ර සමාගමේ නව සභාපතිවරයා ලෙස පත්ව ආ ගාමිණී වරුෂමානගේ ක්‍රියාකාරීත්වය පිළ...

Connet With Us