ජනාධිපතිවරණ සමයේදී 14 හැවිරිදි ළමයකු මෛත්‍රීපාල සිරිසේන මහතා විසින් පැහැරගෙන ගොස් තබා ගෙන සිටින බවට වන ව්‍යාජ පුවත් නිර්මාණ කිරීමද මෙම සේපාල රත්නායක හා ස්වාධීන රූපවාහිනියේ නියෝජ්‍ය අධ්‍යක‍්ෂකවරයෙක්ව සිටි සුදර්මන් රදලියගොඩ විසින් සිදුකළ ක්‍රියාවකි.
තම සේවා කාලය නිමා කිරීමෙන් පසු රත්නායක මහතා නැවත කොළඹට වාර්තා කොට නැත. ඔහු කොළඹට වාර්තා නොකොට එංගලන්තයේ බර්මිංහැම් නුවර ජීවත්වන ඔහුගේ මිතුරකු සමග ටික දිනක්‌ ගත කළ බව වාර්තාවේ. රත්නායක මහතා පිළිබදව මහා කොමසාරිස්‌ කාර්යාලයෙන් විමසීමේදී එහි නිලධාරියෙක්‌ කියා සිටියේ රත්නායක මහතා සේවය නිමවා ගියේ මේ වසරේ මාර්තු හතරවැනිදා බවත් ඉන්පසු ඔහු පිළිබද කිසිදු තොරතුරක්‌ නොදන්නා බවයි.
