සංචාරක හා ක්‍රීඩා අමාත්‍යංශයේ සිදු වී ඇතැයි කියනු ලබන අක්‍රමිකතාවන් පිළිබඳව සොයා බැලීමට පත් කරන ලද ත්‍රිපුද්ගල කමිටු වාර්තාව භාරගැනීම වෙනුවෙන් ඊයේ (24) පැවති හමුවකදී අග්‍රාමාත්‍ය රනිල් වික්‍රමසිංහ මහතා මේබව පැවසුවේය. ක්‍රීඩාව තුළ දූෂණය සහ දේශපාලනය නොතිබිය යුතු බව අග්‍රාමාත්‍යවරයා පෙන්වාදුන්නේය.
ඩී. දිසානායක මහතාගේ සභාපතිත්වයෙන් යුත් අදාළ කමිටුවට එන්. පත්මනාදන් සහ රුස්ලි හුසේන් යන මහත්වරුන් ඇතුළත් වූ අතර ඔවුන් විසින් අමාත්‍යංශයේ සිදුවූ අක්‍රමිකතාවන් 18 පිළිබඳව කරුණු වාර්තා කර තිබේ.
සුගතදාස ජාතික ක්‍රීඩා සංකීර්ණයේ කෘත්‍රීම ධාවන පථය ඉදිකිරීම , ජාත්‍යන්තර ක්‍රිකට් විකාශන අයිතිය පැවරීම සහ 2013 හා 2014 වසර වල මැයි දින පෙලපාලි සඳහා දැරූ වියදම් පිළිබඳවද කරුණු ඒ අතර වෙයි.
