දූෂිත රාජපක්ෂ පවුලේ සාමාජිකයන් රැසකට එළෙඹෙන මහ මැතිවරණයේදී ශ්‍රී ලනීපයෙන් නාමයෝජනා නොලැබෙන ලකුණු පහළ වී තිබේ. පරාජිත හිටපු ජනාධිපති මහින්ද රාජපක්ෂට ඔහුගේ පුත් නාමල් රාජපක්ෂට හා බැසිල් හා ගෝඨභය සොහොයුරන්ටද මෙලෙස ශ්‍රී ලනීපයෙන් නාමයෝජනා නොලැබෙනු ඇතැයි එම පක්ෂ ආරංචි මාර්ග පවසයි. මේ අතර කතානායක චමල් රාජපක්ෂ මහතා දේශපාලනයෙන් විශ්‍රාම ගැනීමට සූදානමින් පසුවේ. ඒ වෙනුවෙන් ඔහුගේ පුත් ශෂීන්ද්‍ර රාජපක්ෂට ශ්‍රී ලනිපයෙන් නාම යෝජනා ලැබෙනු ඇති බවත් ඔහු හම්බන්තොට දිස්ත්‍රික්කයෙන් මැතිවරණයට ඉදිරිපත් වීමේ සූදානමිකින් පසුවන බවත් එම ආරංචි මාර්ග වැඩි දුරටත් පවසයි.
රාජපක්ෂ පවුලේ අනෙකුත් සාමාජිකයන් අතුරෙන් නාම යෝජනා ලැබීමට නියමිතව ඇති අනෙක් අය වෙන්නේ නිරූපමා රාජපක්ෂ මහත්මිය පමණය. ඇය ජනාධිපතිවරණ අවස්ථාවේදීද මහින්ද රාජපක්ෂට සහය දැක්වීමෙන් ඉවත්ව සිටි අතර ජනාධිපතිවරණයේ අවසන් දින කිහිපයේදී විපක්ෂ වේදිකාවට ගොඩවීමේ අපේක්ෂාවෙන්ද පසු වූ බවද දැන ගැනීමට තිබේ.
කෙසේ නමුත් යළි හම්බන්තොට රාජපක්ෂලාගේ දේශපාලන ආධිපත්‍යය ගොඩ නැගීමට ඉඩ දිය යුතු නැති බව හම්බන්තොට ශ්‍රී ලනිප ජේෂ්ඨයන් ගනනාවක ජනාධිපතිවරයාට හා හිටපු ජනාධිපතිනි චන්ද්‍රිකා බණ්ඩාරනායක හමුවේ කරුණු දක්වා ඇති බවත් වාර්තාවේ.
