ඒ අනුව, එවැනි ලිඛිත ඉල්ලීමක්‌ එම පක්‍ෂයෙන් ලැබුණහොත් ඊට එක්‌වන්නේද යන්න පිළිබඳව කළ විමසීමේදී ඒ මහතා පවසා ඇත්තේ තාර්කික ඉල්ලීමක්‌ පැමිණියහොත් තාර්කිකව සිතා බලා ප්‍රතිචාර දැක්‌විය හැකි බවය.
තමන් පක්‍ෂයෙන් ඉවත්ව ගියපසු නැවත පක්‍ෂයට එක්‌වීම සඳහා වන කිසිදු සාකච්ඡාවක්‌ ජවිපෙ නායකයින් සමග සිදුකර නැති බව සඳහන් කළ සෝමවංශ අමරසිංහ මහතා ඉවත්වූ දින සිට මේ දින කිහිපය තුළ පක්ෂ ක්‍රියාකාරීන් රැසක් තමා සමග එක්‌වී ඇති බවද සඳහන් කර ඇත.
කෙසේ නමුත් ජනතා විමුක්ති පෙරෙමුණේ පක්ෂ කාඩර්වරු පවසන්නේ අමරසිංහ මහතා මානසික ව්‍යාකුලත්වයකින් පෙළෙන නිසා මෙලෙස හැසිරෙන බවය. පක්ෂය මේ මොහොතේ උත්සහ ගනිමින් සිටින්නේ ඔහුව නැවත් පක්ෂය වෙත ගෙන්වාගෙන නිහඬ කර තැබීම බවත් ඔවුන් පෙන්වා දෙයි.
දිවයින
