එමෙන් ම හිටපු ජනාධිපතිවරයාට සහය පළ කරමින් දේශපාලන අනාථයින් කුරුණෑගල පැවැත්වීමට නියමිත රැලියට ද සහභාගි වීමෙන් වැළකී සිටීමට ඔහු තීරණය කර තිබේ.
ශ්‍රී ලංකා නිදහස් පක්ෂය විසින් ජනාධිපති මෛත්‍රිපාල සිරිසේන මහතාගේ ප්‍රධානත්වයෙන් පවත්වනු ලබන මැයි රැලියට ද හිටපු ජනාධිපතිවරයා සහභාගි නොවනු ඇති බව පක්ෂ ආරංචි මාර්ග ප්‍රකාශ කරයි.
ඒ සඳහා සහභාගි වීමට නිල ආරාධනා පත්‍රයක් ශ්‍රීලනිප මහලේකම් අනුර ප්‍රියදර්ශන යාපා පසුගියදා හිටපු ජනාධිපතිවරයා හමුවී භාර දුන්නේය.ශ්‍රී ලංකා නිදහස් පක්ෂය බෙදීමට කටයුතු කරන්නේ ය යන චෝදනාව හමුවේ හිටපු ජනාධිපතිවරයා මෙම තීරණය ගෙන ඇතැයි වාර්තා වේ.
කෙසේ වුවත් හිටපු ජනාධිපතිවරයාට සහය දක්වන අනාථ දේශපාලන කණ්ඩායම් කිරුළපන දී මැයි රැලියක් පැවැත්වීමට තීරණය කර ඇති අතර ඊට මහින්ද රාජපක්ෂ සහභාගී වන බවත් ලක්ෂ 58 ක ජනතාවක් සහභාගී වන බවටත් ප්‍රචාරක කටයුතු සිදු කරමින් සිටී.
