මෙම සැකකරු කොළඹ පොලිස්‌ මූලස්‌ථාන විශේෂ විමර්ශන අංශය මගින් අත්අඩංගුවට ගෙන අධිකරණයට ඉදිරිපත් කරන ලදී.
සැකකරු ඉකුත් රජය පැවැති කාලයේ ජනාධිපති මාධ්‍ය අංශයේ ද්‍රවිඩ මාධ්‍ය හා මහජන සම්බන්ධතා ඒකකයේ සේවය කරමින් සිටියදී මෙම වංචා සිදු කර ඇති බවත් හෙතෙම මෙම නව රජයේ ජනාධිපති මාධ්‍ය අංශයේ එම තනතුරම දරමින් සේවයේ යෙදී සිටින බවත් පැමිණිල්ල අධිකරණයට ඉදිරිපත් කරමින් පොලිස්‌ මූලස්‌ථානයේ විශේෂ විමර්ශන ඒකකය අධිකරණයට වාර්තා කළේය.
සැකකරු ඉකුත් රජය සමයේ පාර්ලිමේන්තු මන්ත්‍රී නාමල් රාජපක්‍ෂ මහතාගේ නම භාවිතා කරමින් ජනාධිපති කාර්යාලයේ විවිධ රැකියා ලබාදිය හැකි බව පවසමින් පුද්ගලයන්ගෙන් විශාල වශයෙන් මුදල් රැස්‌කරන බවට පොලිස්‌ විශේෂ විමර්ශන ඒකකයට පැමිණිළි ලැබී තිබිණි.
ඔහු ආගමන විගමන නීතිරීති උල්ලංඝනය කරමින් කලක්‌ රටින් පැනගොස්‌ සිටි බවට පොලිසියට වාර්තා වී තිබිණි. මේ අතරතුර සැකකරු පිළිබඳව පොලිසිය සෙවිල්ලේ සිටියදී මොහු ආපසු මෙරටට පැමිණෙන විට කටුනායක ගුවන් තොටුපළේදී අත්අඩංගුවට ගෙන ඇත.
divaina
