ජනාධිපති මෛත්‍රීපාල සිරිසේන මහතාගේ පාලන සමයෙන් පසු ජනාධිපතිවරයාගේ බලතල අගමැතිවරයාට මේ සංශෝධනවලට අනුව පැවැරෙන බව පෙන්වා දුන් අගමැතිවරයා දහනව වන ව්‍යවස්ථා සංශෝධන හා ඊට අදාළ සංශෝධන තමන් පාර්ලිමේන්තුවට ඉදිරිපත් කළේ කැබිනට් මණ්ඩලය අනුමත කළ කෙටුම්පත බවත් කීය.
මෙම කෙටුම්පත තමන් නොදුටු බවට එජාපයේ ඇතැම් මන්ත්‍රීවරු ප්‍රකාශ කර ඇතැයි අතුරලියේ රතන හිමියන් කළ ප්‍රකාශය ප්‍රතික්ෂේප කළ අගමැති වික්‍රමසිංහ මහතා මේ කෙටුම්පත පිළිබඳ එජාප මන්ත්‍රී කණ්ඩායම දැනුවත් කළ බවත්, මේ පිළිබඳ යම් එජාප මන්ත්‍රීවරයකු නොදන්නේ නම් ඔහු කණ්ඩායම් රැස්වීමට නොපැමිණි අයෙකු බව ද කීය.
මේ අතර ලබන 20 වන දින නව සංශෝධයට සම්බන්ධ විවාදය පැවැතිවීමටත් ඒ සම්මත වීමෙන් පසුව පාර්ලිමේන්තුව විසුරුවා හැරීමටත් නියමිත බවත් වාර්තාවේ.
