තොරතුරු තාක්ෂණ සේවාවන් සඳහා 2050 වසරවන විට බිලියනයක සේවක ඉල්ලුමක් ඇති වන බවත් ඒ සඳහා අවශ්‍ය අලෙවි ක්‍රමෝපායන් ගොඩ නැඟීම අප විසින් සිදු කළ යුතු බවත් ඔහු මෙහිදී අවධාරණය කළේය.
විශේෂයෙන්ම අප විදේශීය වෙළඳපොළ ඉලක්ක කරගෙන අපේ ශ්‍රම බලකාය හැඩ ගැස්විය යුතු බවත් අමරිකාව චීනය ඉන්දියාව හා සිංගපූරුව අපට යා හැකි වෙළඳ පොළවල් බවත් පෙන්වා ඔහු දුන්නේය. තොරතුරු තාක්ෂණය හැරුණු කොට කෘෂිකර්මාන්තය නවීන ක්‍රමවේදයන් ඔස්සේ දියුණු කර සුළුපරිමාන ගොවියන්ගේ ආර්ථික හැකියාව දියුණු කළ හැකි බවත් ඔහු පැවැසුවේය.
මෙම අවස්ථාවට මෙරට හා අමරිකානු ව්‍යාපාරිකයන් රැසක් සහභාගී වී සිටි අතර පෞද්ගලික ව්‍යවසායකත්වයන් වර්ධනය කිරීම කෙරෙහි වැඩි අවධානයක් මෙම සාකච්ඡාවේදී අවධානය යොමු විය. මේ අවස්ථාවට සෞඛ්‍ය ඇමැති රාජිත සේනාරත්න හා පාර්ලිමේන්තු මන්ත්‍රී රාජිව් විජේසිංහ සහභාගී වූ අතර ඔවුන්ද සිය අදහස් පළ කළේය.
