යේමනයේ පවතින දරුණු ගැටුම් හේතුවෙන් එහි සිරවී සිටි ශ්රී ලාංකිකයින් 46 දෙනෙකු චීනය ඇතුළු වෙනත් රටවල මැදිහත්වීම මත බේරා ගැනීමට ශ්රී ලංකා රජයට හැකි වූයේය. ඔවුන් කණ්ඩායම් දෙකක් ලෙසට දිවයිනට ගෙන්වා ගැනීම සඳහා මේ වන විට කටයුතු සිදු කෙරෙන බව විදේශ කටයුතු අමාත්‍යාංශය සඳහන් කලේය.
ජිබුටි රාජ්‍යයේ සිට ශ්රී ලංකාවට සෘජු ගුවන් සේවා නොතිබීම හේතුවෙන් මෙම පිරිස දිවයිනට ගෙන්වා ගැනීම තරමක් ප‍්‍රමාද වු බවත් ජිබුටි රාජ්‍ය වෙත පැමිණි ශ්රී ලාංකිකයින් හතළිස් තුන් දෙනා කෙන්යාවේ ශ්රී ලංකා තානාපතිවරයා විසින් භාර ගෙන ඇති බව සඳහන් වේ.
ඒ අනුව ඔවුන්ගෙන් පිරිසක් අද දිනයේ දී දිවයිනට ගෙන්වා ගැනීමට කටයුතු කරන බව විදේශ කටයුතු නියෝජ්‍ය අමාත්‍ය අජිත්.පී.පෙරේරා මහතා සඳහන් කළේය.මේ අතරින් පළමු කණ්ඩායමට අයත් පුද්ගලයින් 29 දෙනෙකු අද රාත‍්‍රීයේ දිවයිනට පැමිණෙනු ඇත.
