ඔහු මෙම අදහස් පළ කළේ අද (07) පැවති මාධ්‍ය හමුවකට එක්වෙමිනි.

ශ්‍රී ලංකන් ගුවන් සේවාවේ දූෂණ සහ අයථා ක්‍රියා පිළිකුල් සහගතව හෙළා දකින බවත් දූෂකයන්ට විරුද්ධව නීතිමය රාමුව තුළ පියවර ගන්නා බවත් ඔහු පැවසුවේය.

දින සියය තුළ විධායක ජනාධිපති ක‍්‍රමය අහෝසි කිරීමට පියවර ගන්නා බවත් අගමැති ප‍්‍රමුඛ කැබිනට් මණ්ඩලයට විධායක බලය පැවරීමට පැහැදිලිව තීරණයක් ගෙන ඇති බවත් ඔහු පැවසුවේය.

වර්තමාන ජනාධිපතිවරයා වෙනුවෙන් මේ වතාවේ පමණක් බලතල කිහිපයක් හා අමාත්‍යාංශ කිහිපයක් ලබාදීමට තීරණය කර ඇති බවත් ඔහුගේ නිල කාලයෙන් පසුව ඒ හැම අමාත්‍යාංශයක්ම හා බලයක්ම අගමැති ප‍්‍රමුඛ කැබිනට් මණ්ඩලය යටතට පත්වන බවත් ඔහු සදහන් කළේය.

අගමැති රනිල් වික‍්‍රමසිංහ මහතා ව්‍යවස්ථා කුමන්ත‍්‍රණයක් මගින් බලයට පැමිණීමට උත්සාහ ගන්නා බවට පතුරන කතා අසත්‍ය බවත් ඔහුට එසේ බලයට ඒමට කිසිසේත් අවශ්‍ය නැති බවත් පැවසුවේය.

ඉතා ඉක්මනින් පාර්ලිමේන්තු මැතිවරණයකට යාමට කටයුතු කරන බවත් අපේ‍්‍රල් 23 වනදායින් පසු මැතිවරණයකට යාමට අවශ්‍ය එකගතාවය ලබා ගෙන ඇති බවත් අමාත්‍යවරයා පැවසුවේය.

{soundcloud}https://soundcloud.com/lankadaily/akilaviraj-karayawasam{/soundcloud}