එම කමිටුව විසින් මෙම විමර්ශන වාර්තාව ඉදිරි දින කිහිපය තුළදී අග්‍රාමාත්‍ය රනිල් වික්‍රමසිංහ මහතා අතට පත් කිරීමට නියමිතය.
අනතුරුව එම වාර්තාව අග්‍රාමාත්‍ය රනිල් වික්‍රමසිංහ මහතා විසින් සභාගත කරනු ඇතැයි රජයේ ආරංචි මාර්ග සඳහන් කරයි.
නීතිඥ ගාමිණි පිටිපන මහතා මේ කමිටුවේ සභාපතිත්වය දැරූ අතර මහේෂ් කළුගම්පිටිය සහ චන්දිමාල් මෙන්ඩිස් යන මහත්වරු එහි සෙසු සාමාජිකයන් වශයෙන් කටයුතු කළහ.
මේ විමර්ශන කමිටුව විසින් සිය කටයුතු සිදු කළ කාල සීමාව තුළ මහා බැංකු අධිපති අර්ජුන් මහේන්ද්‍රන් මහතා නිවාඩු ලබා ගත් අතර ඒ කාලය තුළ ඔහු මහ බැංකුවේ කිසිදු මෙහෙයුම් කටයුත්තකට සහභාගි නොවූ බව මහ බැංකුවේ ප්‍රකාශකයෙක් පැවසුවේය.
මහ බැංකුවේ බැඳුම්කර ප්‍රශ්නය සම්බන්ධයෙන් වැඩිදුර පරීක්ෂණ පැවැත්වෙන්නේ ද යන කාරණය මේ ත්‍රිපුද්ගල විමර්ශන කමිටු වාර්තාවේ නිර්දේශ මත පදනම් වෙනු ඇතැයි රජයේ ආරංචි මාර්ග වැඩිදුරටත් පවසයි.
- සිළුමිණ
