ඒ අනුව නැගෙනහිර ක්ෂිතිජයෙන් චන්ද්‍රයා උදාවන අවස්ථාවේ සිට පස්වරු හතයි පහළොව වන තෙක් අර්ධ චන්ද්‍රග‍්‍රහනයක්සේ මෙය දිස්වනු ඇත. මෙම වසරේ ඇති වීමට නියමිත චන්ද්‍රග‍්‍රහන දෙක අතුරින් පලමුවැන්නද මෙයය.
ග්‍රහලෝකාගාරයේ අධ්‍යක්ෂිකා ප්‍රියංකා කෝරළගම සඳහන් කළේ මෙය පියවි ඇසින් නැරඹිය හැකි බවයි.
මෙම චන්ද්‍රග‍්‍රහනයේ ආරම්භය ශ‍්‍රී ලංකා වේලාවෙන් පස්වරු දෙකයි තිස් එකට සිදුවීමට නියමිතය. පස්වරු හයයි විසි අටේ සිට හතයි පහළොව පමණ කාලය තුළදී පෘථිවියේ වඩා අඳුරු වූ පුර්ණ ඡායාවෙන් චන්ද්‍රයා වැසී එහි එක් කොටසක් පමණක් පෙනෙන්නට පවති.
පෘථිවියේ අඩ අඳුරු වූ ඡායාව තුළින් චන්ද්‍රයා පස්වරු හතයි පහලොවේ සිට ගමන් කරන කාලය තුළදී ග‍්‍රහනය නොපෙනෙන අතර චන්ද්‍රයාගේ දීප්තියේ සුළු අඩුවක් පමණක් දිස්විය හැකිය. උප ඡායාව තුළින් චන්ද්‍රයා ඉවත්වීමත් සමග ග‍්‍රහන අවසානය රාත‍්‍රී අටයි විසි නවයට සිදුවීමට නියමිත බව අනුර සී පෙරේරා මහතා සඳහන් කළේය. උතුරු අමෙරිකාව, අග්නිදිග ආසියාව, නවසීලන්තය සහ ඔස්ටේ‍්‍රලියාව ආදී රට වලට මෙම චන්ද්‍රග‍්‍රහනය මැනවින් දිස්වේ.
