අයි.එස්.අයි. බුද්ධි අංශයට, ශ්‍රී ලංකාවේ කොළඹ පිහිටි පාකිස්ථාන තානාපති කාර්යාලයේ උදව් ලැබුණු බවට පසුගිය කාලයේ දී අන්තර් ජාතික මාධ්‍ය වාර්තා කර තිබුණි.
‘ද ඒෂියන් ඒජ්‘ පුවත්පතට අනුව කොළඹ පිහිටි පාකිස්ථාන තානාපති කාර්යාලයේ ඇතැම් නිලධාරීන් ඔවුන්ගේ රාජ්‍ය තාන්ත්‍රික වරප්‍රසාද පාවිච්චි කරමින් ඉන්දියාවට එරෙහිව අයි.එස්.අයි. ගෙන යන බුද්ධි මෙහෙයුම්වලට සහාය දක්වා ඇති බවයි.
එසේම නම අනාවරණ නොකළ ඉන්දීය බුද්ධි අංශ නිලධාරියෙක් පවසා ඇත්තේ රාජපක්‍ෂ පාලන සමයේ චීනය සහ පාකිස්ථානය මුල්කර ගත් අන්තර්ජාතික ව්‍යුහයක් ශ්‍රී ලංකාව අනුගමනය කළ බවයි. නමුත් ජනාධිපති මෛත්‍රීපාල සිරිසේන මහතාගේ ආගමනයත් සමඟින් ශ්‍රී ලංකාව, ඉන්දියාවට වඩාත් නැඹුරුතාවක් පෙන්නුම් කරනු ලැබේ. ඒ අනුව ඉන්දු - ශ්‍රී ලංකා බුද්ධි අංශවලට ඒකාබද්ධ වී අයි.එස්.අයි. බුද්ධි අංශ මෙහෙයුම්වලට එරෙහිව වැඩපිළිවෙලක් ගෙන යා හැකි බවට එම බුද්ධි අංශ නිලධාරියා විශ්වාසය පළ කර ඇත.
එසේම ඉන්දීය අග්‍රාමාත්‍යවරයාගේ සහ එරට ජාතික ආරක්‍ෂක උපදේශක අජිත් ඩොවාල්ගේ ශ්‍රී ලංකා සංචාරයන් ඉතා සුවිශේෂි දිගුකාලීන මිතුදහමේ ශක්තිමත් අඩිතාලමක් වනු ඇතැයි ද අදාළ පුවත්පතේ සඳහන් වේ.
කොළඹින් සිදුවන බවට විශ්වාස කෙරෙන ISIමෙහෙයුම් පිළිබඳව ඉන්දීය බුද්ධි අංශ මේවන විට ඉතා සුපරික්‍ෂාකාරී අන්දමින් නිරීක්‍ෂණය කරනු ලැබේ. කොළඹ සමඟ ISI පවතින සබඳතාව පසුගිය අප්‍රේල් මාසයේ දී අනාවරණය කර ගන්නා ලද්දේ චෙන්නායි හීදී අත්අඩංගුවට ගත් සහීර් හුසේන් නැමැති ශ්‍රී ලාංකික ISI නියෝජිතයාගෙන් සිදු කළ ප්‍රශ්ණ කිරීම් හමුවේ දී ය.
lankapuwath.lk
