අද (02) සිට ක්‍රියාත්මක වීමට නියමිත එම ෆුල් ෆේස් හෙල්මට් තහනම හෝ ඒ සම්බන්ධ කිසිදු පියවරක් ගැනීම වළක්වන රිට් ආඥාවක් නිකුත් කරන්නැයි එම පෙත්සම මඟින් ඉල්ලා තිබේ. කෝට්ටේ ප්‍රදේශයේ පදිංචි වරලත් ගණකාධිකාරීවරයකු වන චානක ද සනායක විසින් මේ පෙත්සම ඉදිරිපත් කර තිබේ.
පොලිස්පතිවරයා, මහජන සාමය හා ක්‍රිස්තියානි කටයුතු ඇමැති ජෝන් අමරතුංග, ප්‍රවාහන ඇමැතිවරයා සහ නීතිපතිවරයා මෙහි වගඋත්තර කරුවන් වේ.
ඉකුත් මාර්තු මස දෙවෙනිදා සිට ක්‍රියාත්මක වන පරිදි ෆුල්ෆේස් හෙල්මට් තහනම් කරන බව පොලිස් මාධ්‍ය ප්‍රකාශක වරයා විසින් ප්‍රකාශ කර තිබුණ නමුත් එය පසුව ඉවත් කර ගන්නා ලදී. එම තහනම අප්‍රේල් 02 සිට නැවත ක්‍රියාත්මක කිරීමට පසුව තීරණය කර ඇත.
මෝටර් රථ ආඥා පනත අනුව ෆුල් ෆේස් හෙල්මට් භාවිත කළ නොහැකි බව සඳහන් නොවන අතර එය යතුරු පැදි කරුවන්ගේ ආරක්ෂාව සඳහා භාවිත කරන බව පෙත්සමේ සඳහන් වේ. එම හෙල්මට් පැල ද විවිධ අපරාධ කරන බව පවසමින් මේ තහනම පැනවීම අසාධාරණ බව පෙත්සමේ සඳහන් වේ. එම අපරාධ මැඬලීම සඳහා වෙනත් පියවර ගත යුතු බව පෙත්සම්කරු සඳහන් කරයි.
මේ පෙත්සම අද (02) සලකා බැලීමට නියමිතය.
