ජාතික හෙළ උරුමය සහ ජනතා විමුක්ති පෙරමුණ 19 වන ව්‍යවස්ථා සංශෝධනය සම්බන්ධයෙන් ඊයේ ශ්‍රේෂ්ඨාධිකරණය හමුවේ පෙත්සම් දෙකක් ගොනු කළේය. ඒ අනුව 19 වන ව්‍යවස්ථා සංශෝධනයට අදාළව මේ වනවිට ශ්‍රේෂ්ඨාධිකරණය වෙත පෙත්සම් 13 ක් ගොනු කර ඇත. එමෙන්ම ඊට පක්ෂව සහ විපක්ෂව කරුණු දැක්වීමට අවසර ඉල්ලමින් අතරමැදි පාර්ශවකරුවන් තවත් පෙත්සම් 4 ක් ශ්‍රේෂ්ඨාධිකරණය වෙත ගොනුකර ඇති බවත් වාර්තා වේ.
19 වන ව්‍යවස්ථා සංශෝධනය සම්බන්ධයෙන් ශ්‍රේෂ්ඨාධිකරණයට ගොනුකර ඇති පෙත්සම් අද (01) සිට විභාගයට ගැනේ. ඊට අවශ්‍ය අර්ථ නිරූපන ලබාදීම සඳහා ශ්‍රේෂ්ඨාධිකරණය ත්‍රිපුද්ගල විනිසුරු මඩුල්ලක් ද ඊයේ නම් කරණු ලැබීය. අගවිනිසුරු කේ. ශ්‍රීපවන්, සහ ශ්‍රේෂ්ඨාධිකරණ විනිසුරුවරුන් වන චන්ද්‍රා ඒකනායක මෙන්ම ප්‍රියසාද් ඩෙප් එහි සාමාජිකයන්.
Leave a comment
