ඔහු මේ බව පවසා සිටියේ වයි ෆයි කලාප පිහිටුවීමේ සමාරම්භක උළෙල අද (30) කොළඹ දී කොටුව දුම්රිය ස්ථානය ඉදිරිපිටදී ආරම්භ කළ අවස්ථාවේය.

යාපනය රජමාළිගය තුළ දැනට කාමර 10 ක් අැති බවත් කෑම කාමර 2ක් අැති බවත් කුස්සිය හැතැප්ම භාගයක් බවත් ඒහි සිට කෑම රැගෙන ඒන විට උණුවෙන් කෑම ගැනීමට නොහැකි තරම් දුර බවත් සදහන් කළේය.

හිටපු ජනාධිපතිට සහ අාර්යාවට වෙන් වෙන් කාමර දෙකක් අැති බවත් එයින් එකක් දුම්රිය පොළකට ගත හැකි තරම් විශාල බවත් පැවසුවේය.

පිහිනුම් තටාක කෑමකාමර සහ අනෙකුත් කාමර සියල්ල අතිසුකෝපභෝගී අයුරින් තනා අැති බවත් පැවසුවේය.

නුදුරේදීම මෙය තරු හයක හෝටලයක් බවට පත් කර හෝ අාදායම් ඉපයිය හැකි ස්ථානයක් බවට පත් කිරීමට කටයුතු යොදන බව ඔහු පැවසුවේය.

අක්කර 200 ක භූමියක් තුළ මෙසේ මාළිගා තනද්දී දුකසේ ජීවත් වන දෙමළ ජනතාව එය ඉවසා දරාගෙන සිටි අයුරු පුදුම සහගත බවද පැවසුවේය.

ශ්‍රී ලංකා ක්‍රිකට් නිල මඩුල්ල විසුරුවා අතුරු කමිටුවක් පත් කිරීමට කටයුතු කළ බවත් ක්‍රිකට් මණ්ඩලය ඉංජිනේරු සංස්ථාවට රුපියල් මිලියන 500 ක් ගෙවීමට අැති බවත් අග්‍රාමාත්‍යවරයා පැවසුවේය.

අපේ ක්‍රිකට් තරග වලට ලැබිය යුතු සම්පූර්ණ මුදල නොගෙන csn එකට ලබා දුන්නේ මන්ද කියා විශාල ප්‍රශ්නයක් අැති බවත් මේ සියල්ල හෙළිදරව් කරගත යුතුවාක් මෙන්ම දූෂණ ගැන සෙවීමට ප්‍රථම වරට ක්‍රියා කළේද නව රජය බවත් අග්‍රාමාත්‍යවරයා පැවසුවේය.

රජය හොරුන් අාරක්ෂා කරන බව ඩේලි මිරර් සහ සන්ඩේ ඔබ්සවර් පුවත්පත්වල ව්‍යාපාරික කර්තෘන් පවසන බවත් පුවත්පත් වල පළමු පිටුවෙන් දූෂණ ගැන කියන අතර අන්තිම පිටුව තුළින් හොරුන් අාරක්ෂා කිරීමට ඔවුන් කටයුතු කරන බවත් මොවුන් කාට යටවී සේවය කරන්නන්ද කාගේ සාක්කුවේද ඉන්නේද යනුවෙන් අග්‍රාමාත්‍ය රනිල් වික්‍රමසිංහ මහතා විමසා සිටියේය.

දූෂණ සොයමින් ඒවා වාර්තා කරන පුවත්පත් කළාවේදීන්ට සිය ස්තූතිය පළ කිරීමටද අග්‍රාමාත්‍යවරයා අමතක නොකළේය.

{soundcloud}https://soundcloud.com/lankadaily/ranil-wikramasinghe-1{/soundcloud}