මෙම ඝාතනය සම්බන්ධයෙන් එක් සැකකරුවෙකු පොලීසිය ඊයේ අත්අඩංගුවට ගෙන තිබේ.
පොලිස් මාධ්‍ය ප්‍රකාශක, සහකාර පොලිස් අධිකාරී රුවන් ගුණසේකර සදහන් කළේ අත්අඩංගුවට ගත් සැකකරු හඳුනා ගැනීමේ පෙරට්ටුවක් සඳහා අද (30) ගාල්ල මහේස්ත්‍රාත් අධිකරණය හමුවට ඉදිරිපත් කිරීමට නියමිත බවයි.
මනෝජ් යනු පාතාල කණ්ඩායමක් නඩත්තු කළ කල්ලි නායකයකු බව ප්‍රදේශවාසීන් පවසති. පොඩි ලැසි නැමැත්තා මනෝජ්ගේ ගෝලයකු බවද පැවැසේ. ඔහුගේ පියා වන තෙල්වත්තේ පදිංචි වසන්ත මීට වසර හයකට පමණ ඉහතදී ඝාතනය කොට ඇත. මෙම ඝාතනය නාඳුනන පිරිසක් විසින් කරනු ලැබ ඇති අතර එම ඝාතනය තවමත් අබිරහසකි.
මේ අතර, වෙඩි තැබීමෙන් ජීවිතක්ෂයට පත්වූ සභාපතිවරයාගේ අවසන් කටයුතු ඊයේ හික්කඩුවේදී සිදුකෙරින.
පසුගිය 23 වැනිදා රාත්‍රියේ හික්කඩුව - වෑවල ප්‍රදේශයේ සංචාරක හෝටලයක් තුළදී රත්ගම ප්‍රාදේශීය සභාවේ සභාපතිවරයා ඝාතනයට ලක්වු අතර, මෙහිදී සභාපතිවරයාගේ මිතුරන් දෙදෙනෙකු ද බරපතල තුවාල ලැබිය.
