රයිෆල් හා සුළු අවි රුසියා ගැති බෙදුම්වාදී ත්‍රස්තවාදීන්ට විකුණා ඇතැයි චෝදනාවේ සඳහන් වේ.
හිටපු ආරක්ෂක ලේකම් ගොඨාභය රාජපක්ෂට චෝදනා එල්ල වූ 2006 වසරේවූ කූප්‍රකට මිග් 27 යානා ගනුදෙනුවද සිදු කෙරුණේ මේ උදයංග වීරතුංග හරහාය. ඔහු මේ ගනුදෙනුව සිදු කළේ ඒ වෙනුවෙන් ව්‍යාජ සමාගමක් යොදා ගෙන බවද එවකට හෙළිවිය. ආයුධ වෙළදාමේ තැරව්කරුවකු සේ පෙනී සිටිමින් එම සමාගම හරහා ඩොලර් මිලියන 400ක මුදලක් අයතා ලෙස උපයා ගැනීමට එමඟින් අපේක්ෂා කර තිබිණි. ලංකා ලොජස්ටික් සමාගම මඟින් මෙම මිග් යානා මිළදී ගැනීමට සැලසුම් කළ අතර එම සමාගම වෙනුවෙන් එහි පරිපාලන ප්‍රධානීයා වූ ගෝඨාභය රාජපක්ෂගේ පාසල් මිතුරා මෙන්ම ඔහුගේ මස්සිනා ද වන ජයන්ත වික්‍රමසිංහ මැදිහත් විය.
කෙසේ නමුත් ගෝඨාබය සමයේදී මෙරට අවි විදේශීය ත්‍රස්ත සංවිධානවලට අලෙවි කර ඇති බවට චෝදනාවක් කාලයක සිට එල්ල වෙමින් පවති. මැතකදී ඇවන් ගාර්ඩ සහ රක්නා ලංකා සමාගම් හරහාද අවි ජාවාරම් සිදුව ඇති බවට චෝදනා එල්ල වෙමින් තිබේ.
වීරතුංග, යුක්රේන අගනුවර කිවු නුවර පදිංචි වී සිටී. ඔහු එහි ක්ලබ් ලංකා අවන්හලේ අයිතිකරුය. මොස්කව් නුවර ශ්‍රී ලංකා තානාපති ලෙස ඔහු වසර 9 ක් සේවය කළේය.
නව රජය පත්වීමෙන් පසුව දේශපාලන පත්වීම් ලද සියලු තානාපතීන් කොළඹට කැඳවූවත් වීරතුංග කොළඹට පැමිණියේ නැත.
