මේ වන විට රටේ ප්‍රධාන මාධ්‍ය ආයතන ප්‍රධානින් හා ජේෂ්ඨ මාධ්‍යවේදීන් ගනනාවකටම වරාය ඉදිකිරීමට සම්බන්ධ එම සමාගම් හා කටයුතු කරන පුද්ගලයන් විසින් අල්ලස් ලබා දී ඇතැයි දැන ගැනීමට තිබෙන බව වරාය නගරය සම්බන්ධයෙන් කටයුතු කරන පරිසරවේදීන් පෙන්වා දෙයි. පසු ගියදා මෙම මාධ්‍යවේදීන් කණ්ඩායමකට චීන තානාපති කාර්යාලයේ පැවැති හමුවකටද කැඳවා තිබේ.
එමෙන්ම රූපවහිනී සංස්ථාවේ සභාපතිවරයා ඇතුළු මාධ්‍ය කණ්ඩායමකට දින දහයක චීන සවාරියක් ලබා දී ඇත්තේද මෙම වැඩ පිලිවෙලේ කොටසක් ලෙසට බවද දැන ගැනීමට තිබෙන අතර මෙම සවාරිය ජනමාධ්‍ය අමාත්‍යාංශයෙන් සංවිධානය කෙරුණක් බව පැවැසූවද ඊට මාධ්‍යවේදීන් තෝරා ගත් ආකාරය රහසක්ව පවතී.
වරාය නගරය සම්බන්ධයෙන් වන විවේචනාත්මක තොරතුරු හා එම විරෝධතා සම්බන්ධ පුවත් වාරණය කිරීමේ පිළිවෙතක් මේ වන විට ප්‍රධාන ධාරාවේ මාධ්‍ය ආයතන විසින් පවත්වාගෙන යයි. එමෙන්ම ඇතැම් වෙබ් මාධ්‍ය ආයතනද එම පිලිවෙතේ සිට කටයුතු කරන බව පරිසරවේදීන් පෙන්වා දෙයි.
