'විධායක ජනාධිපති ක්‍රමය අහෝසිකළ යුත්තේ ඇයි ?' යන තේමාවෙන් යුතුව හෙට(24) පස්වරු 4.00ට කොළඹ නව නගර ශාලාවේ පැවැත්වෙන සම්මන්ත්‍රණයට ඔවුන් සියලුදෙනා ම සහභාගිවන බව දැනුම්දී ඇතැයි 'සාධාරණ සමාජයක් සඳහා වූ ජාතික ව්‍යාපාරයේ' මාධ්‍ය ප්‍රකාශක නීතිඥ රවී ජයවර්ධන මහතා පැවසිය.
සාධාරණ සමාජයක් සඳහා වූ ජාතික ව්‍යාපාරයේ' විසින් සංවිධානය කෙරෙන මෙම සම්මන්ත්‍රණයේ මුලාසනය ගනු ලබන්නේ පුජ්‍ය මාදුළුවාවේ සෝභිත හිමියන්ය.
කරු ජයසුරිය මහතා ඇතුළු එජාප නායකත්ව මණ්ඩල සාමජිකයින් ද මෙම සම්මන්ත්‍රණයට සහභාගිවන බව පැවසු රවී ජයවර්ධන මහතා, මුලදී මෙම සම්මන්ත්‍රණය කොළඹ බණ්ඩාරනායක අනුස්මරණ සම්මන්ත්‍රණ ශාලාවේ පැවැත්වීමට කටයුතු යොදා තිබුනද, අවසන් මොහොතේ ආණ්ඩුවේ බලපෑම් මත එහි පාලනාධිකාරිය මෙම සම්මන්ත්‍රණයට ඉඩදිය නොහැකි බව දැනුම්දුන් බවද සඳහන් කළේය.
