දැරියන් නොමරන්න කප්පම් ඉල්ලූවෝ කොටුවේ

Published in පුවත්
Tuesday, 22 July 2014 19:45

වයස අවුරුදු 05හා 06පසුවන දියණිවරු දෙදෙනා පැහැර ගෙන ගොස් මරා දැමීමට තමන්ට රුපියල් ලක්‍ෂ 03ක කොන්ත‍්‍රාත්තුවක් ලැබී ඇති බවත් එම කොන්ත‍්‍රාත්තුව ඉටු නොකර සිටීමට තමාට ලක්‍ෂ 03මුදලක් දෙන ලෙසට මෙරට ප‍්‍රමුඛ පෙලේ ජංගම දුරකථන සමාගමක ඉංජිනේරුවරයෙකුට තර්ජනය කරමින් කප්පම් මුදලක් ලබා ගැනීමට උත්සහ දැරූ පුද්ගලයෙකු සහ ඔහුට ඒ සඳහා සහය දැක්වූ කාන්තාවක් සමග පොලිස් මූලස්ථාන සංවිධානාත්මක අපරාධ විමර්ශන කොට්ඨාශයේ නිලධාරීන් විසින් අත්අඩංගුවට ගෙන තිබේ.

භීෂණ සමයේ නිරන්තරයෙන් නම කියැවුණු පොලිස් අධිකාරී ඩග්ලස් පීරිස් මහතාගේ දරුවෙකුද මෙසේ බිය ගන්වා ඔහු රුපියල් ලක්‍ෂයක කප්පමක් ලබාගෙන ඇතැයිද පරීක්‍ෂණ වලින් අනාවරණය වී ඇත.

පොලිස් විශේෂ කාර්ය බලකායෙන් ඉවත්වූ සෙබලෙක් ලෙස විශේෂ කාර්ය බලකායේ හිටපු සේනාවිධායකවරයෙකුගේ අත්සනින් යුතු ලිපියක්ද ව්‍යාජ ලෙස සකස් කර ඇති ජාතික හැදුණුම්පත් 03ක්ද මෙම පුද්ගලයා සතුව තිබී සොයා ගෙන තිබේ.

මෙම පුද්ගලයා මාකොළ ප‍්‍රදේශයේ පදිංචිකරුවෙක් බවත් ඔහුගේ වයස අවුරුදු 23ක් බවත් ඔහුගේ සහයිකාව අවුරුදු 21ක තැනැත්තියක් බවත් පොලිසිය සඳහන් කරයි.

ජංගම දුරකථන සමාගම් ඉංජිනේරුවරයාට දුරකථන ඇමතුම දෙමින් ඔහු තර්ජනය කර ඇත්තේ දරුවන් දෙදෙනා මරා දැමීමේ කොන්ත‍්‍රාත්තුව තමන්ට ලබා දුන්නේ පවුලේ ඥතියෙක් බවය.

ඒ සම්බන්ධයෙන් ඉංජිනේරුවරයා පොලිස් මූලස්ථාන සංවිධානාත්මක අපරාධ විමර්ශන කොට්ඨාශයට කළ පැමිණිල්ලට අනුව එහි අධ්‍යක්‍ෂ ජ්‍යෙෂ්ඨ පොලිස් අධිකාරී ටී.ගනේෂනාදන් මහතාගේ මෙහෙයැවීමෙන් ක‍්‍රියාත්මක වූ නිලධාරීන් කණ්ඩායමක් පරීක්‍ෂණ ආරම්භකොට තිබේ.

එහිදී කප්පම ලබාදීමට තමන් කැමති බව ඉංජිජේරුවරයා කප්පම්කරුට පවසා එහි මුල් කොටස බව සදහන් රුපියල් 50000ක මුදලක් කප්පම්කරු ලබාදුන් බැංකු ගිණුමක තැන්පත්කර ඇත. එම බැංකු ගිණුම කාන්තාවකට අයත් බම්බලපිටියේ රාජ්‍ය බැංකු ශාඛාවකි.

එම මුදල ලබා ගැනීමට එම කාන්තාව සමග කප්පම්කරු ඊයේ (21)සවස බැංකුවට පැමිණී අවස්ථාවේදි අත්අඩංගුවට ගත් බව පොලිසිය සඳහන් කරයි.

Leave a comment

Gossip

මං ගහන්නේ වෙන ගේමක් - රනිල්

මං ගහන්නේ වෙන ගේමක් - රනිල්

ඊයේ සවස ජනාධිපති රනිල් වික්‍රමසිංහ කොළඹ හුණුපිටිය ගංගාරාම විහාරස්ථානයට පැමිණ සිටියා.මෙම ගමන පෞද්ගලික...

මොකක්ද මේ අනුර ජවිපෙනුත් සඟවපු, රනිල් එක්ක තිබ්බ ඩීල් එක ?

මොකක්ද මේ අනුර ජවිපෙනුත් සඟවපු, රනිල් එක්ක තිබ්බ ඩීල් එක ?

අද පාර්ලිමේන්තුව් හමුවේ විශේෂ ප්‍රකාශක් සිදු කළ අගමැති රනිල් වික්‍රමසිංහ එහිදී ජවිපෙ නායකයා මාස 6න්...

චම්පිකගේ කරුමය

චම්පිකගේ කරුමය

රාජගිරියේදී වූ රිය අනතුරට අදාලව සමගි ජන බලවේගය පාර්ලිමේන්තු මන්ත්‍රී පාඨලී චම්පික රණවකට එරෙහිව පසුගි...

වඳ සැත්කම් කළා කිව් දොස්තර සාෆිට සියලු හිඟ වැටුප් ගෙවයි   

වඳ සැත්කම් කළා කිව් දොස්තර සාෆිට සියලු හිඟ වැටුප් ගෙවයි  

සිංහල කාන්තාවන් දහස් ගණනකට වඳ සැත්කම් කරන ලදැයි චෝදනා කරමින් දීර්ඝ කාලයක් අත් අඩංගුවේ රදවාගෙන සිට නි...

අනං මනං

ආත්මය විකුණු ප්‍රේමය ...

ආත්මය විකුණු ප්‍රේමය ...

එදාත් හරි ලස්සනට ඉර පායපු දවසක්උඹ ඇවිත් මගේ ලෝකේ පාට කරා බලාපොරොත්තු හින පෙන්නුවාමාත් හරි අසාව...

Connet With Us