උතුරේ නැවත පදිංචි ජනතාවගේ ජීවනෝපාය කටයුතු වලට අවශ්‍ය ආරක්‍ෂිත ඉඩම් ලබාදීම සඳහා උතුරු ප්‍රදේශයේ බිම් බෝම්බ ඉවත් කිරීමේ කටයුතු කඩිනම් කිරීමේ අරමුණින් ලබා දෙන මෙම ප්‍රධානය යටතේ මන්නාරම් දිස්ත්‍රික්කයේ බිම් බෝම්බ ඉවත් කිරීමේ ව්‍යාපෘතිය සඳහා MAG( Mines Advisory Group) ආයතනය වෙත රුපියල් මිලියන 70ක සහ DASH( Delvon Assiatance for Social Harmony Sri Lanka) ආයතනය වෙත රුපියල් මිලියන 94 ක් ප්‍රධානය කරනු ලැබේ.

මුල්‍ය ප්‍රධානයට අදාළ ගිවිසුම් දෙක අත්සන් තැබීම ශ්‍රී ලංකාවේ ජපාන තානාපති නොබුහිතෝ හොබෝ සහ MAG ආයතනයේ නේවාසික අධ්‍යක්ෂ ග්‍රේග් ස්කොබ් මහතා, DASH ආයතනයේ වැඩසටහන් කළමණාකරු ආනන්ද චන්ද්‍රසිරි මහතාත් අතර සිදුවිය.

මෙහිදී අදහස් දැක්වූ ශ්‍රී ලංකාවේ ජපන් තානාපති නොබුහිතෝ හොබෝ මහතා පැවසුවේ බිම් බෝම්බ වලින් තොර ශ්‍රී ලංකාවක් නිර්මාණය කිරීම මගින් යුද්ධයෙන් පීඩාවට පත් ජනතාවගේ ජිවන තත්ත්වය නගා සිටුවා ශ්‍රී ලංකාවේ සාමය සහ සංවර්ධනයට සහාය වීමට ජපානය බලාපොරොත්තු වන බවයි.

ඡායාරූප : නිශාන්ත ප්‍රියදර්ශන