No Fire Zone මෙරට ජනතාවට පෙන්විය යුතුයි !

Published in පුවත්
Wednesday, 11 March 2015 14:59

බ්‍රිතාන්‍යයේ චැනල් 4 රූපවාහිනියේ වැඩසටහන් නිශ්පාදකයකු වන කැලම් මැකරේ මහතා නිශ්පාදනය කළ No Fire Zone - The Killing Fields of Sri lanka සම්මානනීය වාර්තා චිත්‍රපටයේ සිංහල පිටපත පසුගිය 10 වන දින බ්‍රිතාන්‍ය පාර්ලිමේන්තු ශාලාවේ කාමර අංක 21 හී ප්‍රදර්ශනය කරනු ලැබුවේය.

මෙම සිංහල චිත්‍රපටය මෙරට පෙන්වීම සඳහා අවසර දෙන මෙන් එහි අධ්‍යක්ෂක වරයා ජනාධිපති මෛත්‍රීපාල සිරිසේන මහතගෙන් ප්‍රසිද්ධියේ ඉල්ලා සිටියේය. ඊට ඔහු දැක්වූ ප්‍රතිචාරය පැහැදිලි නැතත් ඒ වැදගත් කොට සලකණු ඇතැයි කලපනා කළ හැකි නොවේ. මන්ද වත්මන් ආණ්ඩුවද යුධ ජයග්‍රහණයෙන් මල් වෙඩි සංදර්ශන වලින් ඇස් නිලකාර කරගත්තවූවන්ගෙන් ගහන බැවිනි. යුධ අපරාධ චෝදනා මඟ හැරෙන්නේ දෙමළ දේශපාලන සිරකරුවන්ට සාධාරණය ඉ‍ටු වීම පමාවෙන්නෙ එබැවිනි.

ඒ එසේ වෙද්දී ශ්‍රී ලංකාවේ වූ සිවිල් යුධ තත්වය තුල උතුරේ දෙමළ ජාතික සිවිල් පුරවැසියන්ට මුහුණ පාන්නට වූ ඛේදජනක තත්වය අල්ලා මේ වාර්තා චිත්‍රපටය නිර්මාණය වී තිබේ. මෙහි ඉංග්‍රීසි පිටපත ද දෙමළ පිටපත ද මීට පෙර නිකුත් වූ අතර මේ සම්බන්ධයෙන් මහත් ආන්දෝලනයක්ද ඇති විය.

කෙසේ නමුත් මෙම සිංහල චිත්‍රපටය මෙරට ප්‍රදර්ශනයට ඉඩ දිය යුතු නැතැයි කියමින් රාජපක්ෂ යුගයේ කුළියට දේශප්‍රේමීන් වූ කිහිප දෙනෙකු යළිත් කෙඳිරි ගානට පටන් ගෙන තිබේ. එමෙන්ම තමන්ගේ පුවත් වෙබ් අඩවි ජනප්‍රිය කර ගැනීමට නම් දැන් හුදු ආණ්ඩු විරෝධීන් වියයුතු යැයි කල්පනා කරමින් අසත්‍ය පුවත් නිර්මාණය කිරීමත් හා රාජපක්ෂ හිතවාදී බව පෙන්වීම කළ යුතු බවත් කල්පනා කරන ඇතැමුන්ද යළි රට අවුලන ජාතිවාදී පුවත් නිර්මාණය කරන වුන්ද මෙම විඩියෝව ප්‍රදර්ශනය නොකළ යුතු බවට මත පළ කරමින් තිබේ.

අප දැක්කේ රාජපක්ෂලා රූපවාහිනියෙන් පෙන්වූ යුද්ධය පමණී. රාජපක්ෂලා යුධ විරුවන් යැයි කීවේ රුපවාහිනියෙනි. යුද්ධය මහා ජයග්‍රහණයක් වූයේ රූපවහිනියෙනි. එහෙත් ඇත්ත නම් උතුරේ දෙමළ ජනතාව යුද්ධයට පෙරත් යුධ සමයේදීත් ඉන් පසුව තවමත් පීඩාවට පත්ව සිටින බව පමණකි. මැකරේ, කියන්නට උත්සහ ගන්නේ ඒ අප නොදන්න කතාවය. එහෙත් ඒ පීඩිතයාගේ හඬිනි. අපට ඊට සවන් දිය නොහැකි නම් ඒ ඉවසිය නොහැකි නම් එහි වරද මැකරේගේ හෝ ඒ පීඩිතයාගේ හෝ නොවේ.

මේ විරෝධය එන්නේ අප තුල පැලපදියම්ව ඇති ජාතිවාදී පීඩකයාගේ වර්ග සංහාරක ම්ලෙච්ඡ වුවමනාවේ කොටසක් ලෙස නිසා මිස උත්කර්ෂයට නංවන මහා සිංහලකම හෝ බෞද්ධකම හෝ දෙදහස් පන්සීයේ ශ්‍රේෂ්ඨ සංස්කෘතිය අනුව නොවේ. අඩුම තරමේ පීඩාවට පත්වූ එකාගේ හඬට හෝ කන්දීමට තරම් මනුස්සකමක් හෝ අප තුල නොමැතිකමින් නිසා බවද පැහැදිලිය.

මෙම චිත්‍රපටය මෙරට ප්‍රසිද්ධ රූපවාහිනී නාලිකාවක් මඟින් විකාශය කරන්නේ නම් මේ ගැටළුව සම්බන්ධයෙන් ඇති බොහෝ අනවබෝධයන් නිරාකරණය කර ගැනීමටත් සාදනීය සංවාදයක් ගොඩ නැගීමටත් හේතු වනු ඇත. ගෝත්‍රවාදී ලෙස කල්පනා කිරීම වෙනුවට ඊට වඩා පුළුල්ව සිතීමක් සහිත මිනිසුන් සමඟ ප්‍රශ්න විසඳා ගැනීම ප්‍රජාතන්ත්‍රවාදී රජයකට පහසු වනුද ඇත.

සැබැඳි පුවත්:

කැලම් මැකරේගෙන් නියම වැඩක්. NO FIRE ZONE සිංහලෙන්

යුක්තිය සෙවීම සම්බන්ධයෙන් සිංහල ජනයාගේ භූමිකාව වැදගත් - කැලම් මැක්රේ


නෝ ෆයර් සෝන්’ වාර්තා චිත්‍රපටයේ සිංහල පිටපත ශ්‍රී ලංකාවේ විකාශය කිරීම අවහිර නොකරන මෙන් එහි නිෂ්පාදක කැලම් මැක්රේ ජනාධිපති මෛත්‍රිපාල සිරිසේනගෙන් ඉල්ලා සිටි අවස්ථාව

Leave a comment

ld add copy

Gossip

ලේක්හවුස් අලුත් සභාපති හනුමට ඇඳගෙන ගේමක් ඉල්ලයි   

ලේක්හවුස් අලුත් සභාපති හනුමට ඇඳගෙන ගේමක් ඉල්ලයි  

සීමාසහිත එක්සත් ප්‍රවත්ති පත්‍ර සමාගමේ නව සභාපතිවරයා ලෙස පත්ව ආ ගාමිණී වරුෂමානගේ ක්‍රියාකාරීත්වය පිළ...

ජනප්‍රිය නිළි ශලනියි නිහතයි අතරට අලුත ආ අමුත්තා ..මෙන්න කතාව

ජනප්‍රිය නිළි ශලනියි නිහතයි අතරට අලුත ආ අමුත්තා ..මෙන්න කතාව

ශලනි තාරකා දැන් එයාගේ ජීවිතේ අලුත් පිටුවක් පෙරලමින් ඉන්නේ විවාහයත් එක්ක. ජනප්‍රියම නිළිය විදියට තවමත...

ටිල්වින් ඉවත් වෙයි..බිමල් එයි?   

ටිල්වින් ඉවත් වෙයි..බිමල් එයි?  

ජනතා විමුක්ති පෙරමුණේ ලේකම් ටිල්වින් සිල්වා මහතා මෙතෙක් කල් තමන් දැරූ තනතුරෙන් ඉවත්ව එම වගකීම් සියල්...

සජබ ට නායකත්ව මණ්ඩලයක්. විපක්ෂ නායක ධුරයට හර්ෂ ?

සජබ ට නායකත්ව මණ්ඩලයක්. විපක්ෂ නායක ධුරයට හර්ෂ ?

ඉදිරි මැතිවරණ ජයග්‍රහණය සඳහා සමගි ජනබලවේගය මෙහෙයවීමට නායකත්ව මණ්ඩලයක් පත් කිරීමට යෝජනා වී ඇතැයි දේශය...

අනං මනං

Connet With Us