පාර්ලිමේන්තුවේදී ඊයේ අගමැති ඇතුළු දේශපාලන පක්ෂ සහ මැතිවරණ කොමසාරිස්‌වරයා අතර මැතිවරණ ක්‍රමය සංශෝධනය කිරීම සම්බන්ධව විශේෂ සාකච්ඡාවක්‌ පැවැති අතර මෙහිදී මැතිවරණ කොමසාරිස්‌වරයා මේ බව ප්‍රකාශ කර තිබේ.
දිනකට පැය 12 ක් වත් සේවය කළහොත් අදාළ ඉලක්‌කයට යා හැකි බව පවසා ඇති මැතිවරණ කොමසාරිස්‌වරයා මැතිවරණ ක්‍රමය සංශෝධනය කිරීමේදී මතුවන දුෂ්කරතා සම්බන්ධව මෙහිදී දේශපාලන පක්ෂ නියෝජිතයින් දැනුවත් කර ඇත.
කෙසේ වෙතත් මෙහිදී පවතින මැතිවරණ ක්‍රමය සංශෝධනය කළ යුතු ආකාරය සම්බන්ධව අවසන් එකඟතාවකට පැමිණ නොමැති අතර මේ පිළිබඳව තවදුරටත් සාකච්ඡා කළ යුතු බවට යෝජනා වී තිබේ.
සුළු පක්‌ෂවලට අසාධාරණයක්‌ නොවන ලෙස මැතිවරණ ක්‍රමයට සංශෝධන ගෙන එන්නැයි අගමැතිවරයා මෙහිදී ප්‍රකාශ කර ඇත.
මෙම සාකච්ඡාව සඳහා විපක්‌ෂනායක නිමල් සිරිපාල ද සිල්වා, ජී. එල්. පීරිස්‌, රිෂාඩ් බදියුදීන්, විඡේදාස රාජපක්‌ෂ, කරු ජයසූරිය, විජිත හේරත්, ආර්. සම්බන්දන්, එම්. සුමන්දිරන්, ඩග්ලස්‌ දේවානන්ද, තිස්‌ස විතාරණ, ඩිව් ගුණසේකර, දිනේශ් ගුණවර්ධන, පී. දිගම්බරන්, සී. රාධා ක්‍රිෂ්ණන්, ඒ. එච්. එම්. ෆවුසි යන මහත්වරුන්ද සහභාගි වී තිබේ.
මෙම සාකච්ඡා තවදුරටත් පැවැත්විය යුතු බවට ද මෙහිදී තීරණය වී ඇත.
divaina
