මෙම බඳවා ගැනීම්වලට අමතරව විශ්‍රාමික නියෝජ්‍ය පොලිස්‌පතිවරුන් වන අශෝක විඡේතිලක සහ නෙවිල් ගුරුගේ මහත්වරුන්ද අල්ලස්‌ කොමිසම වෙත තාවකාලික පදනම මත බඳවා ගෙන ඇත.
අල්ලස්‌ කොමිසම වෙත දිගින් දිගටම ලැබෙන පැමිණිලි කඩිනමින් විභාග කර දූෂිතයන් වහාම අත්අඩංගුවට ගන්නා අටියෙන් මෙම නිලධාරීන් පිරිස බඳවා ගැනීමට කටයුතු කරමින් සිටින බව අල්ලස්‌ හෝ දූෂණ කොමිෂන් සභාවේ උසස්‌ නිලධාරියෙක්‌ කියා සිටියේය.
ඒ අනුව අල්ලස්‌ පැමිණිලි විමර්ශනය සඳහා අලුතින් සහකාර පොලිස්‌ අධිකාරිවරුන් සිව් දෙනකු, ප්‍රධාන පොලිස්‌ පරීක්‌ෂකවරුන්, පොලිස්‌ පරීක්‌ෂකවරුන් සහ උප පොලිස්‌ පරීක්‌ෂකවරුන් බඳවා ගැනීම සඳහා මේ දිනවල සම්මුඛ පරීක්‌ෂණ ආරම්භ කර ඇත.
එම බඳවා ගැනීම්වලින් පසු පොලිස්‌ දෙපාර්තමේන්තුවේ පහළ ශ්‍රෝණිවල නිලධාරීන් පිරිසක්‌ ද අල්ලස්‌ කොමිසමේ පැමිණිලි විභාග කිරීම වෙනුවෙන් බඳවා ගැනීමට නියමිතය.
- divaina
