මාලදිවයින් නියෝජිත පිරිසේ මූලිකත්වය ගෙන ඇත්තේ එරට පාර්ලිමේන්තුවේ හිටපු කථානායක සහ ප‍්‍රජාතන්ත‍්‍රවාදී පක්ෂයේ සාමාජික අබ්දුල්ලා ශාහිඞ්ය. අත්අඩංගුවට ගෙන සිටින හිටපු ජනාධිපති මොහොමඞ් නෂීඞ් කඩිනමින් නිදහස් කර ගැනීම සඳහා රාජ්‍ය තාන්ත‍්‍රික සහාය ලබා ගැනීමේ අරමුණින් ශ‍්‍රී ලංකාවට පැමිණි බව ඔහු සදහන් කර ඇත.
මාලදිවයිනේ හිටපු ජනාධිපති මොහොමඞ් නෂීඞ් පසුගිය ඉරිදා අත්අඩංගුවට ගනු ලැබුවේ ත‍්‍රස්තවාදී චෝදනා යටතේය. මීට වසර තුනකට පෙර ජනාධිපති ධුරය හොඹවන සමයේ එරට අපරාධ අධිකරණයේ ප්රධාන විනිසුරුවරයා නිත්‍යානුකූල නොවන ලෙස රදවා තැබීම ඔහුට එරෙහිව එල්ල වී ඇති චෝදනාවය.
එමෙන්ම හිටපු ජනාධිපතිවරයා එරට අපරාධ අධිකරණයට ඉදිරිපත් කරනු ලැබ ඇත.
මොහොමඞ් නෂීඞ් එල්ල වූ චෝදනා හේතුවෙන් ඔහු සිය ධුරයෙන් ඉල්ලා අස්වී ජනාධිපතිවරණයක් කැදවූ අතර එහිදී හිටපු මාලදිවයින් ජනාධිපතිවරයා පරාජයට පත් කරමින් හිටපු ජනාධිපතිවරයෙකු වන අබ්දුල් ගයුම්ගේ ඥාති පුත‍්‍රයෙකු වන අබ්දුල්ලා යාමින් බලයට පත්විය. නෂීඩ් විසින් මාලදිවයිනේ බලය අත් පත් කරගතේ අබ්දුල් ගයුම්ගේ 30 වසරක පාලනය පෙරලා දමමින්ය.
මාලදිවයින් විපක්ෂ නියෝජිත කණ්ඩායමේ නායක අබ්දුල්ලා ශහීඞ් වැඩිදුරටත් ප‍්‍රකාශ කළේ හිටපු ජනාධිපති මොහොමඞ් නෂීඞ්ගේ ආරක්ෂාව පිළිබඳව තමන්ට බියක් පවතින බවය. එමෙන්ම දේශපාලන හේතූන් මත ඔහුට එරෙහිව මෙම චෝදනා ගොනු කර ඇති බවත්, සාධාරණ නඩු විභාගයක් අපේක්ෂා කළ නොහැකි බවත් අබ්දුල්ලා ශහීඞ් වැඩිදුරටත් සදහන් කරයි. නීතිඥවරුන්ට මෙතෙක් මොහොමඞ් නෂීඞ් මුණ ගැසීමට අවස්ථාවක් ලබාදී නැහැ.
ශ‍්‍රී ලංකාව නිරන්තරයෙන්ම මාලදිවයින සහ එහි ජනතාව පිළිබඳ උනන්දුවක් දක්වන රටක් බවත් පොදුරාජ්‍ය මණ්ඩලීය සභාපතිවරයා ලෙස කලාපයේ යහපාලනය ප‍්‍රවර්ධනය කිරීමේ වගකීමක් ද ශ‍්‍රී ලංකාවට පැවරෙන බවත් මාලදිවයින් විපක්ෂ නියෝජිත කණ්ඩායමේ ප‍්‍රධානියා කියා සිටි.a
