ජාත්‍යන්තර මූල්‍ය අරමුදලේ කළමනාකාර අධ්‍යක්‍ෂ ක්‍රිස්‌ටින් ලාගාඩ් මහතා සහ මුදල් අමාත්‍ය රවි කරුණානායක මහතා අතර මේ පිළිබඳ සාකච්ඡාවක්‌ පසුගිය සතියේ කොළඹදී පැවැත්වී ඇත. ශ්‍රී ලංකාව විසින් ලබාගෙන ඇති ණය ආපසු ගෙවීම සහ ණය වෙනුවෙන් ගෙවීමට ඇති පොලී මුදල වාරික වශයෙන් ගෙවීම නිසා විදේශ විනිමය සංචිත පහත වැටෙන බැවින් එය ස්‌ථාවර කර ගැනීමේ අරමුණෙන් මෙම ණය මුදල ලබා ගැනීමට යන බවද දැනගන්නට තිබේ.
මේ අතර ශ්‍රී ලංකාවේ ආර්ථික සංවර්ධන වැඩසටහන් නිරීක්‍ෂණය කිරීම සඳහා ජාත්‍යන්තර මූල්‍ය අරමුදලේ ආසියානු පැසිපික්‌ කලාප අංශයේ ප්‍රධානී ටොඩ් ස්‌නයිදර් එහි අධ්‍යක්‍ෂවරයකු වන චෑං යොං රී මහත්වරුන් ඇතුළු නියෝජිත පිරිසක්‌ පෙබරවාරි 23 දා ශ්‍රී ලංකාවට පැමිණෙති. මාර්තු මස 4 දා දක්‌වා ඔවුන් මෙහි රැඳී සිටීමට නියමිතය.
කෙසේ නමුත් පසුගිය රාජපක්ෂ පවුල් පාලනයේ දී මෙරට ධනයෙන් හොරකම් කළ මුදල මෙම මුදල මෙන් කිහිප ගුණයක් පමණ වන බව හෙළිව තිබේ. එහෙත් ඒ අත්පත් කර ගැනීමට වත්මන් පාලනයේ උනදුවක් පෙනෙන්නට නැත. මෙරට ඉතිහාසයේ අන් කවරකාලයකටත් වඩා ණය වූයේ සංවර්ධනයේ මුවාවෙන් රාජපක්ෂලා හොරකම් කිරීමට පෙළඹි සිටීම නිසාය.
