වත්මන් ජනාධිපති මෛත්‍රිපාල සිරිසේන මහතා සිය ප්‍රතිපත්ති ප්‍රකාශනයෙන් 19 වැනි ව්‍යවස්ථා සංශෝධනය පිළිබඳව ඉදිරිපත් කරන ලද කරුණු දින 100 වැඩසටහන යටතේ ක්‍රියාත්මක කිරීමට අදාළ සැලැසුම් පිළිබඳව මෙහිදී සාකච්ඡා කරන ලද බව වාර්තා වේ.
19 වැනි ආණ්ඩුක්‍රම ව්‍යවස්ථා සංශෝධනය සම්බන්ධයෙන් දේශපාලන පක්ෂවලින්, මහජන නියෝජිතයන්ගෙන්, නීතිවේදීන්ගෙන් ලැබෙන යෝජනා පිළිබඳවද අග්‍රාමාත්‍යවරයාගේත්, විපක්ෂ නායකවරයාගේත් වැඩි අවධානයක් යොමු වී තිබෙන බව දැනගන්නට ඇත. අග්‍රාමාත්‍යවරයා සහ විපක්ෂ නායකවරයා ඉදිරියේදීත් මේ පිළිබඳව සාකච්ඡා කිරීමට නියමිත අතර පක්ෂ නායකයන් සමඟද මේ පිළිබඳව දීර්ඝ වශයෙන් සාකච්ඡා කිරීමට නියමිතව ඇත.
mawbima
