ලංකා ඛනිජ තෙල් සංස්‌ථාව කරන ලද ඇණවුමකට අනුව චීන සමාගමක්‌ මගින් පෙට්‍රල් ටොන් දසදහසක්‌ සහ ඩීසල් ටොන් තිස්‌දහසක්‌ ගබඩා කර තිබෙන මෙම නෞකාව මෙරටට එවා ඇත.
නෞකාව පැමිණීමෙන් පසුව එහි ඇති ඉන්ධන සාම්පල් ගෙන ඛනිජ තෙල් සංස්‌ථාවේ රසායනාගාර තුළ සිදුකළ පරීක්‍ෂාවකදී එහි ඇති ඩීසල් බාල වර්ගයේ ඉන්ධන බව අනාවරණය වී ඇතැයි ඛනිජ තෙල් සංස්‌ථාවේ උසස්‌ නිලධාරියෙක්‌ පැවැසීය.
මීට පෙර අවස්‌ථාවකද මේ අන්දමේ බාල ඉන්ධන තොගයක්‌ රට පුරා බෙදා හැර එම ඉන්ධන ලබාගත් පාරිභෝගික ජනතාවගේ රථ වාහනවලට හානි සිදුවීමෙන් තෙල් සංස්‌ථාවට වන්දි ගෙවීමට සිදුවූ බවද හෙතෙම පෙන්වා දුන්නේය.
මෙම නෞකාවේ තිබෙන පෙට්‍රල් තොගය නියමිත තත්ත්වයෙන් යුතු බවද තෙල් සංස්‌ථා පරීක්‍ෂණවලදී තහවුරු වී ඇත.
divaina
