සරත් ෆොන්සේකා මහතාගේ ප්‍රජා අයිතිය අහෝසි කිරීම හේතුවෙන් එම මන්ත්‍රී අසුන ඔහුට අහිමි වූ අතර ඉන් පසුව එම පක්ෂයේ මනාප ලැයිස්තුව අනුව ජනතා විමුක්ති පෙරමුණ නියෝජනය කළ ලක්ෂ්මන් නිපුනආරච්චි මහතාට හිමිවූ නමුත් ඔහු එම අසුන ලබා ගත්තේ නැත. ඒ අනුව ඊළඟට මනාප හිමි ජයන්ත කැටගොඩ මහතා එම අසුනට හිමිකම් කීවේය.
එහෙත් පසුගිය ජනාධිපතිවරනයේදී කැටගොඩ මහතා ජෙනරාල් සරත් ෆොන්සේකා මහතාගේ ප්‍රජාතන්ත්‍රවාදී පක්ෂය අතහැර රාජපක්ෂවරුන්ට සහය පල කළේය. එහිදී ඔහු පැවැසූවේ ෆොන්සේකා මහතාට එරෙහිව තිබෙන චෝදනා වලින් ඔහුව නිදහස් කර ගැනීම වෙනුවෙන් හිටපු ජනාධිපති රාජපක්ෂට සහය පළ කළ බවය. ඒ කෙසේ නමුත් හිටපු ජනාධිපතිවරයාගේ පරාජයෙන් පසුව ජනවාරි 18 වන දින කැටගොඩ මහතා පැවැසුවේ ෆොන්සේකා මහතට නිශ්චිතවම පාර්ලිමේන්තු අසුන ලැබේ නම් තමා එම ධුරයෙන් ඉල්ල අස්වන බවය.
නමුත් මේ වන විට කැටගොඩ මහතා ආගිය අතක් නැති බවට දේශපාලන ලෝකයේ කසුකුසුවක් පවතී
