ඒ මහතා මේ බව කියා සිටියේ ශ්‍රී ලංකා නිදහස් පක්ෂයේ ඊයේ පෙරවරුවේ පැවැති රැස්වීමෙන් පසු පැවති මාධ්‍ය හමුවේදී මාධ්‍යවේදියෙකු ඇසූ ප්‍රශ්නයකට පිළිතුරු වශයෙනි.
එම රැස්වීමේදී ගනු ලැබූ තීරණ අද රැස්වන පක්ෂ විධායක සභාවට දැනුම්දීමට ද නියමිත බව සඳහන්ය.
මෙහිදී මහ මැතිවරණයෙන් ශ්‍රීලනිපය ප්‍රමුඛ එක්සත් ජනතා නිදහස් සන්ධානය ජයග්‍රහණය කිරීමට ජනාධිපති මෛත්‍රීපාල සිරිසේන, හිටපු ජනාධිපතිවරුන් වන මහින්ද රාජපක්ෂ, චන්ද්‍රිකා කුමාරතුංග යන නායකයන් තිදෙනා එක්‌විය යුතු බව ශ්‍රීලනිපයේ මධ්‍යමකාරක සභාවේ යෝජනාව වී තිබේ.
අනුමැතිය සඳහා යෝජනාව අද පැවැත්වෙන ශ්‍රීලනිප විධායක සභාවටත්, සමස්‌ත ලංකා කාරක සභාවටත් ඉදිරිපත් කිරීමට නියමිතය.
උපදේශක මණ්‌ඩලයක්‌ ශ්‍රීලනිප ව්‍යවස්‌ථාවට ඇතුළත්ව තිබුණත් එයට බලතල සඳහන්ව නොතිබීම නිසා ඒ සඳහා බලතල ඇතුළත් විය යුතු බවට ද යෝජනා වී තිබේ.
ශ්‍රීලනිප තරුණ සම්මේලනය තරුණ පෙරමුණ ලෙසට වෙනස්‌ කිරීම ද ඇතුළු කරුණු කිහිපයක්‌ එහිදී යෝජනා වී ඇත.
අද පැවැත්වෙන සමස්‌ත ලංකා කාරක සභාවේදී ගනු ලබන තීරණ දැනුම් දෙන බවත්, එහිදී උණුසුම් පුවත් රටට හෙළිවන බවත් ශ්‍රීලනිප මහ ලේකම් අනුර ප්‍රියදර්ශන යාපා මහතා සඳහන් කරයි.
