ඊට අමතරව ආණ්ඩු ක්‍රම ව්‍යවස්ථාව සංශෝධනය කිරීම පිළිබඳ යෝජනා සකස් කිරීම සඳහාද කමිටුවක් පත්කර ඇති අතර එම කමිටුවට විපක්ෂ නායක නිමල් සිරිපාල ද සිල්වා, හිටපු අමාත්‍යවරුන් වන අනුර ප්‍රියදර්ශන යාපා, ජෝන් සෙනෙවිරත්න, ජී.එල්. පීරීස්, සරත් අමුණුගම සහ මහින්ද සමරසිංහ යන මහත්වරුන් ඇතුළත්ය.
මැයි දින රැලිය සංවිධානය කිරීම සඳහා කමිටුවක්ද පත්කර ඇති අතර, ඊට ජනක බණ්ඩාර තෙන්නකෝන්, සී.බී. රත්නායක, ඩලස් අලහප්පෙරුම, කුමාර වෙල්ගම, මහින්දානන්ද අලූත්ගමගේ, රෝහිත අබේගුණවර්ධන සහ මහින්ද යාපා අබේවර්ධන යන මහත්වරුන් ඇතුළත්වේ.
උපලේකම්වරුන් අටදෙනාගෙන් එක් අයකු තෝරාගෙන ජ්‍යෙෂ්ඨ උප ලේකම්වරයකු ලෙස පත් කිරීමටද නිදහස් පක්ෂ මධ්‍යම කාරක සභාව තීරණය කර ඇත.
ඒ අනුව ඊට අදාළ යෝජනාව පක්ෂ ව්‍යවස්ථාවට ඇතුළත් කිරීමට අදාළ කරුණු හෙට දින රැස්වන විධායක සභාවේදී සහ සමස්ථ ලංකා කාරක සභාවේදී කටයුතු කෙරේ.
