කොළඹ දිස්ත්‍රීක්කයේ ජීවත් වන පවුල් ගණනාවක සාමාජිකයින් මේ වන විට තමා හමුවී සිය දුක්ගැනවිලි පැවසූ බවත්, සිය ඥාතීන් සුදු වෑන් වලින් වලින් හෝ වෙනත් ක්‍රමවලින් පැහැරගෙන ගොස් ඇති බවත්, ඔවුන් කියා සිටි බව කි‍ඳෙල්පිටිය මහතා අපරාධ පරීක්ෂණ දෙපාර්තමේන්තුවට ලබාදුන් නාම ලේඛනයක සඳහන් වෙයි.
එම නාමලේඛනයේ පහත සඳහන් පුද්ගලයින් 13 දෙනෙකුගේ හා පැහැර ගැනීමට තැත්කළ තවත් අයෙකුගේ නම් සඳහන් වේ.
01 - කස්තුරි ආරච්චිගේ ඇන්තනි
02 - මොහොමඩ් ඩිලාන්
03 - රජිව් නාගනාදන්
04 - විහ්වනාදන් ප්‍රදීප්
05 - මොහොමඩ් සාජික්
06 - රාමලිංගම් තිලකේෂ්වරම්
07 - ජනක ප්‍රභාත් දොඩම්පගෙ ගමගේ
08 - එම්.ඒ ප්‍රදීප් ක්‍රිෂාන්න
09 - එන්.ඒ පේමරත්න
10 - කැළුම් නිශාන්ත පීටර්
11 - ගයාන් ප්‍රියශාන්ත
12 - චමින්ද අනුර ජයලත්
13 - එම්.එස් මොහොමඩ් ෆාරුක්
14 - රවීන්ද්‍ර උදයශාන්ත - පැහැර ගැනීමට උත්සාහ කිරීම.
හිටපු ඇමති මර්වින් සිල්වා මහතා පසුගිය ජනවාරී 17දා රහස් පොලිසියට කළ පැමිණිල්ල අනූව හිටපු ආරක්ෂක ලේකම්වරයා සුදු වෑන් සංස්කෘතියේ කතෘවරයා ලෙස මාධ්‍ය ඉදිරියේ ඔහු අනාවරණය කළ බව පෙන්වාදෙන සුසිල් කි‍ඳෙල්පිටිය මහතා මේ ගැන කඩිනම් විමර්ශනයක් කරන ලෙස රහස් පොලීසියේ අධ්‍යක්ෂවරයාගෙන් ඉල්ලා සිටියි.
