මෙම ව්‍යාපෘතිය මගින් අනාගත පරපුරට විශාල හානියක්‌ සිදුවන බවත් මුහුද ගොඩකිරීමට අවශ්‍ය කලුගල් කියුබ් කෝටි 12 ක්‌ මෙරටින් සොයා ගන්නේ කෙසේදැයි පරිසර වාර්තාවක්‌ පවා ලබා ගෙන නැති බවත් ඔහු පැවසීය. මෙරට කුඹුරක්‌ ගොඩ කිරීමට පවා පරිසර වාර්තා ගත යුතුව තිබුණද චීන රජය විසින් සතයක්‌ වත් නොගෙවා කොළඹ දූපතක්‌ හදා ගන්නා බවද ඒ මහතා සඳහන් කළේය.
මහින්ද රාජපක්‍ෂ මහතා කළ විනාශකාරී ව්‍යාපෘති තවදුරටත් ක්‍රියාත්මක කිරීමට නම් ජනතාව නව ආණ්‌ඩුවක්‌ පත් කර ගත්තේ කුමටදැයි විමසා සිටි ජවිපෙ නායකයා මෙම වරාය නගරය ඉදිකිරීම වහාම නවතා දැමිය යුතු බවද කියා සිටියේය. අනුරාධපුරයේදී පැවැති ජනහමුවකට සහභාගිවෙමින් අනුර කුමාර දිසානායක මහතා මේ බව ප්‍රකාශ කළේය.
divaina
