දෙමටගොඩ ප්‍රදේශයේ ව්‍යාපාරික ස්‌ථානයක ලොරි හතරක ගබඩාකර තිබූ අරක්‌කු බෝතල් 68,000 ක්‌ අත්අඩංගුවට ගෙන සිදුකළ පරීක්‍ෂණවලින් පසුව සුරාබදු දෙපාර්තමේන්තුව මෙම පියවරගෙන ඇත.
සිද්ධියට අදාළ වයඹ ඩිස්‌ටලරීස්‌ සමාගමේ කුරුණෑගල පිහිටි ප්‍රධාන කර්මාන්ත ශාලාවට, ගබඩාවට සහ යාපනය ප්‍රදේශයේ පිහිටි ගබඩාවට සීල් තැබීමටද සුරාබදු දෙපාර්තමේන්තුව මේ වන විට කටයුතු කර තිබේ.
වයඹ ඩිස්‌ලටරීස්‌ සමාගම මීට පෙර වෙනත් ව්‍යාපාරිකයකු විසින් නිෂ්පාදන කටයුතු සිදුකර රුපියල් කෝටි ගණනක්‌ බදු නොගෙවීම නිසා අත්හිටුවා තිබියදී ඇමැතිවරයා මැදිහත් වී බදු ගෙවීමේ පොරොන්දුව මත ලබාගෙන ඇතැයි සුරාබදු දෙපාර්තමේන්තුව අභ්‍යන්තර ආරංචි මාර්ග පවසයි.
එම බලපත්‍රය ඇමැතිවරයාගේ ළඟම ඥතීන් දෙදෙනකු නමින් පවතින බවත් ඔවුන් අධ්‍යක්‍ෂ මණ්‌ඩලයේ සාමාජිකයන් බවත් පැවසේ.
ඇමැතිවරයාගේ මැදිහත්වීමෙන් බලපත්‍රය ලබා ගැනීමෙන් පසුවද රුපියල් කෝටි ගණනක්‌ නිෂ්පාදන බදු මුදල් ගෙවා නොමැති අතර ඒ සම්බන්ධයෙන් සුරාබදු දෙපාර්තමේන්තු ගණනය කරමින් සිටින බවද එම ආරංචි මාර්ග පවසයි. ලොරිවල ගබඩා කර තිබූ අරක්‌කු තොගයට නිෂ්පාදන බදු මුදල් නොගෙවීම, බලපත්‍ර නීති උල්ලංඝනය කිරීම ඇතුළු චෝදනා කිහිපයක්‌ පිළිබඳව සුරාබදු දෙපාර්තමේන්තුව කටයුතු කරමින් සිටී. දින 14 ක්‌ ඇතුළත නිදහසට කරුණු වාර්තා කරන ලෙස එම සමාගමෙන් පෙරේදා ඉල්ලීමක්‌ කර ඇත.
බදු මුදල් නොගෙවා අත්හිටුවා තිබූ බලපත්‍රය නැවත ලබාදීමේදී අනුගමනය කර ඇති ක්‍රියා මාර්ගය පිළිබඳව මුදල් අමාත්‍යාංශය මගින්ද විමර්ශනයක්‌ ආරම්භ කර ඇතැයි එම ආරංචි මාර්ග වැඩිදුරටත් කියා සිටී.
- දිවයින ඇසුරෙනි
