ඔහු වැඩිදුරතත් කරුණු දක්වමින් පැවැසූවේ,

නමුත් අද පෙට්රල් ලීටරයක් රුපියල් 117ට ලබා දෙන්නේ සියලූ බදු ඉවත් කොට නොවෙයි. ලෝක වෙළඳපොළේ බොරතෙල් මිල අඩු වීමේ වාසිය විතරයි මේ ආණ්ඩුව ජනතාවට ලබා දී ඇත්තේ. 2009දී ලෝක වෙළඳපොළේ බොරතෙල් බැරලයක මිල ඇමෙරිකානු ඩොලර් 45-48 දක්වා අඩු වුණා.

ඒ අවස්ථාවේදී මේ රට පාලනය කරපු මහින්ද රාජපක්‍ෂ හිටපු ජනාධිපතිතුමන්ගේ ආණ්ඩුව පෙට්රල් ලීටරයක් ජනතාවට ලබා දුන්නේ රුපියල් 115කට. අදත් ලෝක වෙළඳපොළේ බොරතෙල් බැරලයක මිල ඇමෙරිකානු ඩොලර් 45 දක්වා අඩු වී තිබෙනවා.

මේ ආණ්ඩුව අදත් ජනතාවට පෙට්රල් ලීටරයක් දෙන්නේ රුපියල් 117කට. ඒ නිසා චම්පික රණවක ඇමතිවරයා පොරොන්දු වූ පරිදි සියලූ බදු ඉවත් කර ඉන්ධන මිල පහත හෙළීමට පියවර ගෙන නැති බව ඉතා පැහැදිලියි. මේ ආණ්ඩුවේ අය-වැය සහ ඔවුන් ගෙන යන ක‍්‍රියාදාමය ජනතාව ‘ගොනාට ඇන්දවීමේ’ එකක් බව කිවයුතුයි.'

කෙසේ නමුත් පසුගියදා නව මුදල් ඇමැතිවරයා විසින් අඩු කරනු ලැබුවේ රාජපක්ෂ පාලනය යටතේ අධික බදු පනවා තිබු ඉන්ධන මිළය.

ඒ අනුව,150ක්ව පැවති පෙට්‍රල් 92 ඔක්ටේන් ලීටරයක මිල රු.117 ක් දක්වා රු. 33කින් අඩු කර ඇත. රු. 158ක්ව තිබූ පෙට්‍රල් 95 ඔක්ටේන් ලීටරයක මිල රු. 128ක් දක්වා රු. 30 කින් අඩු කර ඇත.

රු. 111ක්ව පැවති ඩීසල් ලීටරයක මිල රු. 95 ක් දක්වා රු.16කින් අඩු කර ඇති අතර රු. 133ක්ව පැවති සුපරි ඩීසල් ලීටරයක මිල රු. 110 දක්වා රු. 23 කින්ද අඩු කර ඇත.

මීට අමතරවල රු. 81ක්ව තිබූ භූමිතෙල් ලීටරයක් මිල රු 65 දක්වා රු. 16 කින් අඩු කර තිබේ.