ඔහු වෙනුවෙන් පෙනී සිටි නීතිඥවරුන් කළ ඉල්ලීමකට අනුව කොළඹ ප්‍රධාන මහේස්ත්‍රාත් ගිහාන් පිලපිටිය මහතා රුපියල් මිලියන 10 බැගින් වූ පුද්ගල ඇප දෙකක් මත ඔහුට විදෙස් ගත වීමට අවසර ලබා දී ඇත.
අපරාධ පරීක්ෂණ දෙපාර්තමේන්තුව විසින් කරන ලද ඉල්ලීමක් සලකා බැලීමෙන් අනතුරුව ඇවැන්ගාඩ් ආරක්ෂක සමාගමේ සභාපතිවරයාගේ විදෙස් ගමන් තහනම් කිරීමට මීට පෙර අධිකරණය නියෝග කර තිබුණි.
කෙසේ වෙතත් ව්‍යාපාරික කටයුත්තක් සඳහා අද සිට ලබන 25 වනදා දක්වා විදෙස් ගත වීමට අවශ්‍ය බැවින් ඒ සඳහා ඔහුට අවසර ලබා දෙන ලෙස නිශ්ශංක සේනාධිපති මහතාගේ නීතිඥවරුන් අධිකරණයෙන් ඉල්ලීමක් කර ඇත.
ඒ අනුව කෙටි කාලයක් සඳහා විදෙස් ගත වීමට නිශ්ශංක සේනාධිපති මහතාට අවසර ලබා දුන් මහේස්ත්‍රාත්වරයා ලබන මාර්තු මස 2 වැනි දින අධිකරණය හමුවේ පෙනී සිටින ලෙස ද දැනුම් දී ඇත.
