තුසිත හල්ලොලුව මහතා ශ්‍රී ලනීපය සු‍රැකීමේ සංවිධානයේ සම කැඳවුම්කරු ලෙස වත්මන් මෛත්‍රීපාලයය බිහි කිරීම සඳහා සුවිශේෂී මෙහෙවරක් සිදු කළ අයකු වන අතර මිට පෙර එක්සත් ජනතා නිදහස් සන්ධාන ආණ්ඩුවේ ඇමැතිවරුන් වූ සුසිල් ප්‍රෙමජයන්ත, නිමල් සිරිපාද සිල්වා ඇතුළු ඇමැතිවරුන් ගනනාවකගේ මාධ්‍ය ලේකම්වරයා ලෙස කටයුතු කළේය.
රාජපක්ෂ පාලන සමයේදී කොමර්ෂල් පොහොර සමාගම, පොහොර සහනාධාරය යටතේ පොහොර බෙදා හැරීමේ කටයුතුවලට දායක වූ අතර එහිදී කෝටි ගනනක් වංචා සිදුව තිබු බව වාර්තා වී තිබිණි. කෝටි 9 ක හා කෝටි 39 ක වටිනාකමක් සහිත පොහොර තොග අතුරුදහන් වීම සම්බන්ධයෙන් මාධ්‍ය වාර්තා පළවී තිබුණු අතර ඊට අනුරාධපුරයේ ඇමැතිවරයකු හා සම්බන්ධතා ඇති අනුරාධපුර තොග බෙදාහරින්නකු ගැන චෝදනා එල්ල වූ නමුදු මේ දක්වා ඒ සම්බන්ධයෙන් පරීක්ෂණයක් සිදුකර වරද කරුවන්ට දඬුවම් දී නැත. මේ සම්බන්ධයෙන් කෝප් වාර්තාවේ ද දැක්‌වේ.
