මෙම අවස්ථාවට ගුණරත්නම් මහතාගේ මැණියන්ද සහභාගී වී සිටියාය.
තම වැඩිමළු පුතා වූ රජිතම් ගුණරත්නම් මහතා අසූව දශකයේ පැවැති සිවිල් යුධ වාතාවරණයේදී ඇයට අහිමි වූවාය. පේරාදෙණිය විශ්ව විද්‍යාලයේ සිසුවකුව සිටියදී ඔහු එවකට පැවැති එජාප පාලනයේ මර්දනකාරී පිළිවෙත හේතුවෙන් ඝාතනයට ලක්විය. එම විශ්ව විද්‍යාලයේම සිසුවකුව සිටි ප්‍රේම් කුමාර් ගුණරත්නම් මහතාද එවකට අත් අඩංගුවට පත්වූ නමුත් ජීවිතය බේරා ගැනීමට සමත් විය.
මේ ආදී වූ නිමක් නොමැති පීඩාකාරි තත්වයන් රැසකට මුහුණ දුන් ගුණරත්නම් සොහොයුරන්ගේ මැණියන් අද දිනයේදීත් තම දරුවා වෙනුවෙන් කොටුව දුම්රිය පොළ ඉදිරිපිට බිම වාඩිලාගෙන උන්නාය.
මේ සදහා පක්ෂයේ ප්‍රධාන ලේකම් සේනාධීර ගුණතිලක, දේශපාලන මණ්ඩල සභිකයින් වන රවීන්ද්‍ර මුදලිගේ, දුමින්ද නාගමුව, පුබුදු ජයගොඩ, අජිත් කුමාර සහ අතුරැදහන් වූවන්ගේ ඥාතීන් ඇතුළු පිරිසක් ද සහභාගී විය.
