එම මණ්ඩලය නිකුත් කළ නිවේදනයක දැක්වෙන්නේ, කොළඹ 01,02,03 සහ කොළඹ 07,08,09,10,11,12,13 සහ 14 ප්‍රදේශවලට ජල සැපයුම අත්හිටුවන බව ය.

ඊට අමතරව කොළඹ 04, 05 සහ 06 ප්‍රදේශවලට අඩු පීඩනයක් යටතේ ජලය සැපයෙන බව ද අදාළ නිවේදනයේ සඳහන් ය.

මාලිගාකන්ද ජල තටාකයට ජලය සැපෙයෙන ප්‍රධාන සම්පේෂණ නළයක හදිසි අලුත්වැඩියා කටයුත්තක් හේතුවෙන් අද උදෑසන 9 සිට හෙට සවස 3 දක්වා එලෙස ජල සැපයුම අත්හිටුවන බව ද එම නිවේදනයේ දැක් වේ.

ජල කප්පාදුවට අදාළ විමසීම් සඳහා 1939 අංකය අමතන ලෙස ජාතික ජල සම්පාදන හා ජලාපවහන මණ්ඩලය දැනුම් දී සිටී.

මේ අතර තවත් අත්‍යවශ්‍ය නඩත්තු කටයුත්තක් හේතුවෙන් අද පෙරවරු 9 සිට පස්වරු 6 දක්වා පැය 9ක කාලයක් ගම්පහ දිස්ත්‍රික්කයේ ප්‍රදේශ රැසකට ජල සැපයුම අත්හිටුවේ.

ඒ අනුව පෑළියගොඩ වත්තල ජා – ඇල, කටුනායක, සීදුව නගරසභා බල ප්‍රදේශ හා කැලණිය වත්තල හැඳල බියගම මහර ජා – ඇල යන ප්‍රාදේශීය සභා බල ප්‍රදේශවලට එලෙස ජල සැපයුම අත්හිටුවනු ඇති.

ඊට අමතරව දොම්පේ ප්‍රාදේශීය සභා බල ප්‍රෙද්ශයට අයත් දෙකටන, නාමළුව, කළුකෙදයාව හා දොම්පේ යන ප්‍ර දේශවලට හා බියගම ආයෝජන කලාපයට ද මෙම කාල සීමාව තුළදි ජල සැයපුම අත්හිටුවන බව ජල සම්පාදන මණ්ඩලය නිකුත් කළ නිවේදනයේ සඳහන් ය.