රටින් පිටවීම සඳහා අවශ්‍ය ගුවන් ටිකට් පත රැගෙන පැමිණි පසු ඔහුට එරෙහිව අදාළ නියෝගය නිකුත් කරන බව ආගමන විගමන පාලක නිහාල් රණසිංහ මහතා සඳහන් කළේය.
කුමාර් ගුණරත්නම් මහතා නොයෙල් මුදලිගේ නමින් සංචාරක වීසා මත මෙරටට පැමිණ දේශපාලන කටයුතුවල නිරතවන බවට තම දෙපාර්තමේන්තුව සිදුකළ විමර්ශනවලදී තහවුරු වී ඇති බවද ඔහු සඳහන් කළේය.
මේ වනවිට නොයෙල් මුදලිගේ මහතාගේ වීසා කාලසීමාවද ඉක්ම ගොස් ඇති බව ආගමන විගමන පාලක නිහාල් රණසිංහ මහතා සඳහන් කළේය.
කුමාර් ගුණරත්නම් මහතාට මෙරට දේශපාලනය කිරීමේ අයිතිය තිබිය යුතු බවට එම පක්ෂය විශාල විරෝධතා ව්‍යාපාරයක්ද සිදු කරමින් තිබේ. ඒ කෙසේ නමුත් නොයෙල් මුදලිගේ නමින් වන ඕස්ට්‍රේලියානු පුරවැසි භාවය අත්හැරීමට ගුණරත්නම් මහතා සූදානම් නොවීම මෙරට ආගමන විගමන නීතිය යටතේ ඔහුව පි‍ටුවහල් කිරීම අනිවාර්ය වී තිබෙන බවද හෙළිවෙයි.
එසේ නොමැතිව ඔහුට මෙරට දේශපාලනය කිරීමේ කිසිදු බාධාවක් පවතින පාලනයෙන් එල්ලවී නැති බවත් එම දෙපාර්තමේන්තු ප්‍රකාශකයෙක් පවසයි.
