ජනාධිපති අපේක්ෂක මෛත්‍රීපාල සිරිසේන මහතා ලෙස ප්‍රචාරක දැන්වීම්වලට පෙනී සිටීම සඳහා ඔහුව පුහුණු කර ඇත‍්තේ ද පදනම් ආයතනයේදී වන අතර ඔහු සහ එයට අදාළ අනිකුත් පුද්ගලයින්ට නවාතැන් ලබාදී ඇත්තේ ද පදනම් ආයතනයේදී ය. මේ කටයුතුවලට රූපවාහිනී සංස්ථාවේ හිටපු අධ්‍යක්ෂක ජනරාල්වරයකු සම්බන්ධවී ඇතැයි සොයා ගෙන තිබේ.

එම නවාතැන් සඳහා පදනම් ආයතනය පසුගිය ජනවාරි 1දා චන්ද්‍රපාල ලියනගේ නමින් දින 28ක ගාස්තුව ලෙස රුපියල් 255,897.60ක වවුචරයක් එවා ඇති අතර වාර්තා වන අන්දමට නව පාලනාධිකාරිය මේ නීති විරෝධී මුදල් ගෙවීම් අත්හිටුවා ඇත.

මේ නීතිවි‍රෝධි ක්‍රියා සම්බන්ධයෙන් ළඟදීම පරීක්ෂණයක් ආරම්භ කිරීමට නියමිත ය.

dinamina