ඒ මහරගම ජාතික පිළිකා ආයතනය, ගාල්ල කරාපිටිය, මහනුවර, අනුරාධපුරය, යාපනය, බදුල්ල, මඩකලපුව, කුරුණාගල සහ රත්නපුර යන රෝහල් වලය. මෙරට තුල බෝ නොවන රෝග අතර ප‍්‍රධාන තැනක් ද පිළිකා රෝගයට හිමිවන බව ජාතික පිළිකා මර්දන වැඩසටහන පවසයි.
ශ‍්‍රී ලංකාව තුල මුඛ, පෙනහළු, ගලනාල, මහාන්ත‍්‍ර සහ ගුදමාර්ග ආශ‍්‍රිත පිළිකා පුරුෂ පාර්ශවයට වැඩි වශයෙන් වැලදෙන බව අනාවරණය වී ඇත. කාන්තාවන් අතර පියයුරු,ගැබ්ගෙල,තයිරොයිඞ්, ඩිම්බකෝෂ සහ ගලනාල ආශ‍්‍රීත පිළිකා බහුල බවට තොරතුරු වාර්තා වේ.
දුම්කොළ, මත්පැන්, බුලත්විට භාවිතයෙන් වැළකීම සහ ක‍්‍රියාශිලි ජීවන රටාව පිලිකා රෝගයෙන් ආරක්ෂා වීම සදහා මුල් වන බව ජාතික පිලිකා මර්ධන වැඩිසටහන පෙන්වා දේ. පිලිකා රෝග කල් ඇතිව හදුනා ගැනීම වැදගත් වන අතර ඒ පිලිබද අවදානයෙන් පසුවීම ජනතාවගේ වගකීමක් බවද එම වැඩසටහන අවධාරණය කරයි.
