මෙම අමාත්‍යාංශය ඊට වෙන්කර දී තිබූ මුදල ඉක්මවමින් රුපියල් කෝටි 500ක් පමණ වැඩියෙන් වියදම් කර ඇති බව කී ඇමතිවරයා මේ මුදලින් 70% ක් පමණ නාස්තිකාර වියදම් බවත් සදහන් කළේය.
මැතිවරණ සමයේ සිදුවූ අමතර වියදම් වෙනුවෙන් මේ වන විටත් නිලධාරීන් ව්‍යාජ බිල්පත් ඉදිරිපත් කර ඇති අතර ඒවා අමාත්‍යාංශය විසින් භාර නොගන්නා එම මුදල නිලධාරීන් අතින් ගෙවිය යුතු බවත් පැවසුවේය.
හිටපු ජනපතිගේ මැතිවරණ ව්‍යාපාරය සදහා කළ වියදම් බොහෝමයක් සිදු කරන ලද්දේ වරාය හා මහාමාර්ග අමාත්‍යාංශය මගින් බවත් මේවා අයකර ගැනීම පිළිබදව රවී කරුණානායක මහතා සමග සාකච්ඡා කිරීමට බලාපොරොත්තු වන බවද කබීර් හෂීම් මහතා පැවසුවේය.
සේ අතර සියලුම මාර්ග ඉදිකිරීම් ව්‍යාපෘති පිළිබදව විමර්ශනයක් සිදු කරන බවද ඇමතිවරයා පැවසුවේය.
ඉකුත් රජය යටතේ ආරම්භ කළ මාතර-බෙලි අත්ත අධිවේගී මාර්ගය ව්‍යාපෘතිය අත්හිටුවනු ලැබූ අතර උතුරු අධිවේගී මාර්ගය ඉදිකිරීම සදහා දේශීය සමාගම් පහකට ලබාදුන් ටෙන්ඩරය අත්හිටුවන ලදැයි අමාත්‍යවරයා සදහන් කළේය
