තෙල් සංස්‌ථාවේ දිගින් දිගටම දූෂණ සිදුවන බවට එජාපය පැවසූ බවත් මේ වන විට සපුගස්‌කන්ද තෙල් පිරිපහදුවේ ඇතිව තිබෙන තත්ත්වයට ආණ්‌ඩුව සෘජුවම වගකිව යුතු බවත් හෙතෙම කීය.
පෙට්‍රල් ලීටරයක්‌ රුපියල් 86 කට ලබාදිය හැකි වුවද ආණ්‌ඩුවේ දූෂණ, වංචා නිසා අධික මිලකට පාරිභෝගිකයන්ට තෙල් මිලදී ගැනීමට සිදුව ඇතැයි ද කී මන්ත්‍රීවරයා මේ සියල්ල හෙළිවන නිසා තමන් ඇතුළු පිරිසට ආණ්‌ඩුවේ හෙන්චයියන් ඊයේ දින බාධා කළ බවද ඒ මහතා සඳහන් කළේය.
කෙසේ වෙතත් මේ බාධා කිරීම්වලට බිය නොවී ඉදිරියේදී මුතුරාජවෙල සහ කොළොන්නාවේ පිහිටි තෙල් සංකීර්ණ වෙත ගොස්‌ කරුණු සොයා බලන බවත් ඊයේ සිදුකළ බාධා කිරීමට එරෙහිව පාර්ලිමේන්තුවේදී කථානායකවරයාට පැමිණිලි කරන බවත් රවී කරුණානායක මහතා වැඩිදුරටත් පැවසීය.
